Bhí lucht na sochraide i ndeora nuair a chan Ronan Keating amhrán dá dheartháir Ciarán, amhrán a scríobh sé tar éis bhás a mháthar, ar Déardaoin.
Fuair Ciarán bás nuair a bhí sé páirteach i dtimpiste ar Dé Sathairn agus é ag tiomáint lena bean chéile Annmarie chun a mac a fheiceáil ag imirt sacair.
Agus ag sochraid Ciarán i gCluain Cearbán (Louisburgh), Co. Maigh Eo dúirt Ronan gur mhian leis nach mbeadh air an t-amhrán sin a chanadh arís.
Thug Ronan ómós do chlann Chiaráin, ag rá leo: ‘Bhí bhur neart le cúpla lá anuas iontach dochreidte. Bheadh bhur athair bródúil.
‘Scríobhadh an t-amhrán seo 25 bliain ó shin, nuair a chailleamar ár máthair. Níor mhaith liom a bheith á chanadh sna cúinsí seo, ach… seo é.’
Ag tús na sochraide, tugadh chuig an altóir bronntanais mar shiombail do shaol Ciarán, lena n-áirítear ‘remote’ teilifíse, tancaer don ghrá a bhí aige ar phionta, agus geansaí Torquay United ón am a d’imir a mhac Ruairí don chlub.
Bhí deora ar Ruairí nuair a léirigh sé grianghraf teaghlaigh díobh nuair a bhuaigh sé bonn sraithe.
Bhuaigh sé boinn ag imirt le Torquay United agus le Cork city ar feadh a shaoil peile.
‘Fear dícheallach a bhí i gCiarán, nár chaill lá oibre riamh,’ a dúirt Ruairí. ‘Chuir sé a lámh le gach rud, agus ní raibh aon rud nach bhféadfadh sé a dhéanamh.
‘Ba cheannaire é ár n-athair, ár laoch, agus sin é a bhí i gceist aige dúinn go léir.’
Bhí Ciarán, athair de thriúr, 57 bliain d’aois. Bhí cónaí air lena theaghlach i gCathair na Mart, (Westport), Co. Mhaigh Eo.
Fágann sé a bhean in a dhiaidh, chomh maith lena dtriúr clainne, Conall, Ruairí, agus Aisling, a dheirfiúr Linda, na deartháireacha Gerard, Gary agus Ronan, agus baill den teaghlach sínte.
Bhí a shochraide ar siúl ag meán lae Déardaoin i Séipéal Phádraig, Cluain Cearbán (Louisburg), Co. Mhaigh Eo.
Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
