Tá fiosrúchán iomlán ar bun ar an drochíde ciníoch (racist abuse) ‘uafásach’ a rinneadh ar an iománaí sinsearach Lee Chin ag cluiche idirchontae.

Cháin CLG Thiobraid Árann agus Loch Garman an eachtra, a tharla Dé Sathairn le linn cluiche carthanachta i gCarraig na Siúire (Carrick-on-Suir).

I bhfíseán a roinntear ar na meáin shóisialta, tá tacaí ar an gclaí le cloisteáil ag scairteadh focail chiníoch ar Lee Chin le linn achrann idir an dá fhoireann.

Dúirt sé: ‘Hey, f***** Chinaman. Hey, f ****** Chinaman. Thosaigh tú é.'

Chuaigh roinnt imreoirí ó Loch Garman i dtreo an duine aonair ansin chun a gcomhghleacaí foirne a chosaint. Bhí cuid acu le cloisteáil ag glaoch ‘náire, ciníoch agus cowardly’ ar an bhfear.

De réir mar a mhéadaigh an teannas, shéid an réiteoir a fheadóg ag cuir deireadh leis an chluiche go hiomlán.

D’eisigh Tiobraid Árann, Loch Garman agus Cumann Imreoirí Gael (Gaelic Players Association, GPA) ráiteas ina dhiaidh sin ag cáineadh an eachtra.

Dheimhnigh cathaoirleach Loch Garman Micheál Martin go raibh cainteanna ar siúl i rith an deireadh seachtaine maidir leis an gcéad chéim eile.

Dúirt sé le RTÉ: ‘Tá sé le feiceáil go forleathan ag an bpointe seo go raibh tráchtanna de chineál ciníoch ann i leith ár gcaptaen Lee Chin.

‘Sílim, I gcinneadh ciallmhar ag an am sin, chuir an réiteoir deireadh leis an cluiche. Déarfainn go bhfuil muidne i Loch Garman bródúil as freagairt ár n-imreoirí. Ghlaoigh siad an beart amach go han-luath.

‘Tá sé aitheanta go forleathan go raibh an méid a tharla uafásach, go raibh sé mícheart agus nach bhfuil áit ar bith dó sa spórt ná sa tsochaí.’

Nuair a fiafraíodh de cad atá beartaithe ag CLG Loch Garman a dhéanamh, dúirt an tUasal Martin: ‘Bhí mé ag caint le cathaoirleach Thiobraid Árann roinnt uaireanta ó shin.

‘Tá sé tábhachtach go dtarlaíonn próiseas cuí agus go bhfuil imscrúdú ann. Ba mhaith liom é a fheiceáil déanta go tapa.

‘Tá CLG Thiobraid Árann agus muid féin an-dáiríre faoi seo. Táimid i dteagmháil freisin le Páirc an Chrócaigh agus tá tús curtha le himscrúdú cheana féin, déarfainn, agus tá sé ag dul ar aghaidh.’