Tá muinín níos fearr ag lucht leanúna agus imreoirí na Gaillimhe inniu leis an eolas go mb’fhéidir nach mbeidh gortú laoch na peile Damien Comer chomh dona agus a cheap siad.
Chreid siad go raibh gortú ligament cruciate aige agus chiallódh sé sin nach mbeadh sé in ann imirt ar feadh an chuid eile den séasúr.
Ach cuireann an nuacht is déanaí dóchas go mbeidh an tostaí, a bhuaigh bonn All Star, ar ais i ndathanna na Gaillimhe níos déanaí san fheachtas.
Bhí faitíos ar an lucht tacaíochta tar éis dóibh Comer a fheiceáil á bhaint den pháirc ar shínteán (stretcher), go luadh sa chluiche sa Shraith Peile Allianz in aghaidh Ros Comáin Dé Domhnaigh seo caite. Bhí an bua ag Ros Comáin sa chluiche sin.
Bhí cuma chomh holc ar chúrsaí go ndúirt an bainisteoir Pádraic Joyce ina dhiaidh sin gur gortú glúine a bhí ann agus dúirt sé leis: ‘Ní bhreathnaíonn sé go maith.’
Ach tar éis dóibh scanadh a dhéanamh ar a ghlúin dheis inné, tá siúl go mbeidh rudaí níos fearr.
Tá sé ráite ag bainistíocht na Gaillimhe gur fhulaing Comer gortú glúine ach ‘nach dócha go mbeidh obráid ag teastáil’, le hathshlánú (rehab) sna seachtainí atá romhainn agus ansin beidh hathmheasúnú (reassessment) ar an gceist.
Ar an mbonn sin, is cinnte go mbeidh amhras faoin gceist an imreoidh sé sa chuid eile d’fheachtas Roinn 1 do Ghaillimhe sa tSraith, a chríochnaíonn ar 26 Márta.
Dúirt Joyce Dé Domhnaigh: ‘Tá súil agam nach bhfuil sé ró-olc agus go mbeidh páirt éigin aige sa Shraith amach anseo.’
Ach tar éis dóibh cluiche ceannais na hÉireann a bhaint amach anuraidh agus troid chomh láidir sin a chur isteach i gcoinne Seaimpíní na hÉireann, Chiarraí, beidh lucht leanúna na Gaillimhe ag dúil go mór go mbeidh Comer i mbarr a réime do Craobh na hÉireann.
Tá siad i gcruachás sa tSraith cheana féin tar éis don chluiche in aghaidh Mhaigh Eo a críochnú ar chomhscór agus an bua a bheith ag Ros Comáin.
Tá cúig chluiche fós le himirt acu in aghaidh Thír Eoghain (sa bhaile), Dún na nGall (as baile), Muineachán (sa bhaile), Ard Mhacha (as baile) agus Ciarraí (sa bhaile).
Tá roinnt seachtainí rompu, ar a laghad, gan an líne lántosach a d’imir chomh maith sin i gcluiche ceannais na hÉireann anuraidh.
Gortaigh Rob Finnerty ligament rúitín tar éis dó titim agus é ag fáil pionta sa chluiche in aghaidh Mhaigh Eo a chríochnaigh ar chomhscóir.
Tá Shane Walsh ag taisteal thar lear faoi láthair i ndiaidh rath conspóideach Craobh na hÉireann le haghaidh a chlub Crokes, agus ní fios cathain a bheidh sé ar ais ag imirt do Ghaillimh.
Deir Joyce gur dócha go gcoinneodh gortú rúitín Finnerty é amach ar feadh ‘ceithre go sé seachtaine’.
Dúirt sé: ‘Ní bheidh na guys sin againn ach tugann sé deis do guys eile a fheiceáil an féidir leo céim suas a thabhairt. Caithfimid coinneáil leis, ní féidir linn leithscéalta a dhéanamh faoi na daoine nach bhfuil againn.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
