Dúirt Dermot Bannon gur ‘beagnach maraíodh’ é ag déanamh an séasúr is déanaí de Room To Improve.

Bhí an t-ailtire cáiliúla (celebrity architect) ag caint faoi fhormáid nua an tséasúir seo, chomh maith le dráma an dá eipeasóid deiridh.

Thug Bannon, atá as Mullach Íde (Malahide) i mBaile Átha Cliath, le fios go mbeidh an-tóir ag lucht féachana an chláir teilifíse, ar an gclár deiridh den séasúr. Dúirt sé go mbeidh sé ag tabhairt an rud a mbíonn siad i gcónaí ag iarraidh, don lucht féachana ar deireadh.

Ag labhairt dó ar FM104, fiafraíodh de Dermot cén fáth nach raibh ach ceithre chlár sa séasúr seo den chlár athchóirithe tithe a bhfuil móréilimh air. D’fhreagair sé: ‘Nach mór mharaigh na ceithre seónna mé.’

In ainneoin na ndeacrachtaí a bhaineann leis na cláir a dhéanamh, tá Dermot ar bís le lucht féachana na heachtra deiridh den séasúr a fheiceáil, agus dúirt an t-ailtire go bhfuil sé ag comhlíonadh mianta lucht leanúna an tséasúir faoi dheireadh.

‘Is freagra don lucht féachana an ceann deireanach againn,’ a dúirt Dermot, ‘Fuair mé go leor tweets tar éis na sraithe deiridh; "An féidir le rud éigin a bheith beagán níos lú?", "An féidir le rud éigin a bheith againn, ar féidir go mbeadh baint againn leis?"'

D'admhaigh an t-ailtire iomráiteach gurbh é a bearbóir, Justin, a spreag é ar deireadh thiar, chun an méid a bhí uathu a thabhairt do na daoine.

'Dúirt mé: "Justin, cad a cheap tú faoin tsraith seo caite?" agus dúirt sé, "Sea, an-mhaith, ach ba mhaith liom rud éigin gur féidir go mbeadh baint agam leis".'

Tar éis cáineadh Justin, rinne Dermot agus a fhoireann iarracht teach a aimsiú a bheadh cosúil leis na tithe a bhfuil go leor daoine ar fud na tíre ina gcónaí inniu.

'Chuaigh muid amach chun an ngnáth-theach in Éirinn a aimsiú, arb é sin, teach trí sheomra leapa, leathscoite in eastát tithíochta, ag féachaint an bhféadfaimis in ann "wow" a dhéanamh leis sin.'

Bhí Dermot sách cainte roimhe seo faoin ngá atá ann le hailtireacht níos fearr a chur ar fáil inár bpríomhchathair, agus dúirt sé nach bhfuil an tarraingt chéanna ag Baile Átha Cliath agus atá ag cathracha Eorpacha eile.

‘Sílim go bhfuilimid an-ghar do ligean dó sin sleamhnú tríd ár méara,’ a dúirt sé.

‘Mar is mó daoine a bhfuil cónaí orthu sa chathair, is amhlaidh is mó áiseanna a bheidh agat. Is mó na himeachtaí is féidir a bheith agat, is mó rogha na mbialanna, na páirceanna a ndéantar obair níos fearr orthu.

‘Ní féidir leis na rudaí seo ar fad a mbaineann muid sult astu mar shochaí a tharlú i ndáiríre ach nuair a bhíonn daoine ina gcónaí ann, á maoiniú agus á úsáid.'