Tá baile i gCo. Luimnigh ‘cosúil le zón cogaidh’ mar gheall ar foréigin ar na sráideanna, a dúirt muintir na háite, agus bhí gardaí armtha amuigh ar na sráideanna i Ráth Caola (Rathkeale) oíche Dé Luain tar éis ionsaithe foréigneacha idir grúpaí éagsúla.
Scriosadh roinnt feithiclí i dteagmhais reithe (ramming incidents), agus líomhnaítear gur úsáideadh machetes, nuair a rinne gardaí iarracht ord a chur ar ais.
Mhol comhairleoir áitiúil Fhianna Fáil Kevin Sheahan, iar-gharda é, gur cheart do ghardaí a gcumhachtaí ar fad a úsáid chun síocháin a thabhairt ar na sráideanna, ‘batons’ san áireamh.
‘Tá an baile mar a bhuail buama é. Tá na daoine seo imithe as smacht,’ a dúirt foinse áitiúil.
Tá ar a laghad trí ghrúpa ar leith páirteach i gcontúirt áitiúil. Dúirt foinsí go bhfuil eagla orthu go mbeidh daoine gortaithe go dona nó níos measa dá bharr.
Dúirt foinsí go bhfuil buíon atá bainteach le teaghlach coireachta tar éis iarracht tailte agus réadmhaoine a thógáil ó mhuintir na háite, agus go bhfuil siad ag cuir an áit trína chéile le roinnt seachtainí anuas.
Chuir an Comhairleoir Sheahan imní in iúl faoi fhoréigean na Nollag trí seachtaine ó shin. Agus dúirt sé gur tugadh foláireamh pearsanta dó go raibh sé i mbaol ó cheann de na grúpaí foréigneacha mar gur ardaigh sé an cheist ag cruinniú de chomhairleoirí áitiúla.
Dúirt muintir na háite go raibh an baile thar a bheith teann le cúpla seachtain anuas, tar éis do ghardaí airm a ghabháil ag réadmhaoin sa bhaile.
Tuairiscítear gur lámhachadh urchair i gcarr, rinne fir ionsaí ar theach soghluaiste ag caitheamh balaclavas agus a raibh ‘slash hooks’ acu, agus gortaíodh garda go dona in eachtra ‘ramming’.
Cuireadh obráid ar an nGarda a gortaíodh ach tá sé tar éis filleadh ar dualgas ó shin, a dúirt foinsí áitiúla.
Thug an Comhairleoir Sheehan foláireamh ag cruinniú den chomhairle áitiúil an mhí seo caite go bhfuil ‘dlí agus ord imithe amach an fhuinneog’ i Ráth Caola.
D’iarr sé féin agus daoine eile go mbeadh níos mó gardaí i láthair ar an mbaile, agus iad ag súil le tuilleadh foréigin thar thréimhse na Nollag.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
