Nuair a tháinig Pte Seán Rooney agus triúr coimeádaí síochána (peacekeepers) Éireannacha faoi ionsaí sa Liobáin, chuir siad teachtaireacht deiridh chuig na gcomrádaithe a raibh siad scartha uathu, ag rá leo: ‘Ná tar ar ais – tá sé ró-dhéanach.’
Nóiméid ina dhiaidh sin lámhachadh an saighdiúir óg sa chloigeann tar éis dá bhfeithicil de chuid na Náisiún Aontaithe a d’iompaigh, agus rinne na saighdiúirí iarracht teitheadh óna n-ionsaitheoirí.
Gheall an iar-Taoiseach Micheál Martin inné, ‘Tá rún daingean againn an fhírinne a fháil’ faoi mharú brúidiúil an fhir óig.
Lámhachadh an coimeádaí síochána (peacekeeper), as Dún Dealgan, Co. Lú, oíche Dé Céadaoin, díreach nóiméíd tar éis an fheithicil, a bhí á thiomáint aige, a bheith scartha óna gcomrádaithe, a bhí ag taisteal i SUV eile chun tosaigh orthu.
Tá imscrúdaitheoirí ag iarraidh a fháil amach an ndearna Pte Rooney casadh mícheart sular cuireadh an fheithicil faoi ionsaí i sráidbhaile cois cósta Al-Aqbiyah.
Gortaíodh Shane Kearney, 22, as Cill Ia, Co. Chorcaí, a bhí sa feithicil freisin, go dona san eachtra. Tá sé fós i riocht criticiúil in ospidéal i mBéiriút ag fulaingt ó ghortuithe a d’fhéadfadh a shaol a athrú.
Dheimhnigh Óglaigh na hÉireann aréir go bhfuil an bheirt shaighdiúir eile, a bhí sa fheithicil, scaoilte ón ospidéal tar éis dóibh cóireáil a fháil do mhionghortuithe. Tá an bheirt ar ais go sábháilte ina mbunáit i gCampa Shamrock.
Dúirt foinsí slándála go raibh Pte Rooney ag tiomáint gan chúnamh ó chóras ‘Sat-Nav’ míleata sofaisticiúla atá ag grúpaí eile. Dúirt siad gur moladh do mhisean na hÉireann iad a úsáid freisin.
Tá sé tagtha chun solais freisin go raibh ‘puncture’ ag an bhfeithicil eile agus nach bhféadfadh na saighdiúirí a gcomrádaithe a tharrtháil.
De réir foinsí, ní raibh an córas ‘run flat’ – a ligean d’fheithicil leanúint ar aghaidh nuair a fhaigheann sí polladh – ag obair. Mar sin bhí ar na saighdiúirí éirí as an bhfeithicil chun an bonn (tyre) a athrú.
Agus go gairid ina dhiaidh sin, d’ionsaigh muintir na háite iad féin freisin agus bhí orthu teitheadh go páirceanna in aice láimhe.
Tuigtear gur iarr siad ar arm na Liobáine le haghaidh cúnaimh ach níor tháinig cabhair riamh.
Idir an dá linn, agus feithicil Pte Rooney á ionsaí, bhí foireann saighdiúirí ag bunáit na hÉireann ag fanacht le cead dul i gcabhair orthu.
Ach ordaíodh dóibh gan é a dhéanamh mar gur chreid oifigigh shinsearacha na Náisiún Aontaithe go bhféadfadh go raibh coimeádaithe síochána eile níos gaire dóibh.
Beidh catalóg na n-earráidí agus na lochtanna teicniúla mar chuid de na himscrúduithe atá ar bun anois ag saineolaithe míleata UNIFIL, Óglaigh na hÉireann le cúnamh ó na Gardaí agus údaráis na Liobáine.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
