Agus tréimhse na Nollag ag druidim chugainn, tá muid ag súil go dtiocfaidh bronntanais ó thar lear chuig ár ndoirse… ach bí ar an eolas! Seans go mbeidh ort €10 a íoc sula bhfaigheann tú é.
Tá rabhadh tugtha ag An Post do chustaiméirí faoi bhillí gan choinne, mar gheall ar costais chustaim ar earraí ó thar lear.
Gearrtar táille custam ar bhronntanais os cionn €45 ó tíortha áirithe, a chaithfidh an duine a fhaigheann an bronntanas a íoc.
Tugadh isteach dlíthe nua maidir le hearraí ó lasmuigh den Aontas Eorpach anuraidh, agus mar thoradh air sin tá VAT agus táillí custaim i bhfeidhm anois nuair a cheannaíonn tú earraí lasmuigh den AE.
Agus de bharr Brexit ciallaíonn sé sin rud ar bith a phostáiltear sa Bhreatain.
Bailíonn An Post na híocaíochtaí custaim, agus ansin íocann siad iad go dtí Coimisinéirí Ioncaim na hÉireann; agus má fhaigheann tú bronntanas os cionn €45 ó thír lasmuigh den AE, mar an Ríocht Aontaithe, is dócha go mbeidh ar a laghad €10 breise ag teastáil.
D’fhéadfadh táillí a bheith difriúil, áfach, ag brath ar an tír as a dtagann siad. Agus mura n-íoctar na táillí faoin dáta ‘íoc de réir an dáta’ cuirfear na hearraí ar ais chuig an seoltóir.
Dúirt urlabhraí thar ceann An Post: ‘Má tá táillí custaim dlite ar d’earra, gheobhaidh tú cárta poist sa phost le sonraí faoi na táillí.
‘Déanfaimid iarracht freisin ríomhphost agus/nó SMS a sheoladh má chuir an seoltóir na sonraí seo ar fáil dúinn.’
Ach is é an dea-scéal ná nach gá aon costas custaim ná VAT a íoc ar bronntanais faoi bhun €45 ó thíortha lasmuigh den AE. Ní theastaíonn uathu ach dáta custaim leictreonach.
Úsáidtear seirbhís An Post, Addresspal, le haghaidh earraí ón mBreatain agus ó na Stáit Aontaithe, chun an próiseas a shimpliú.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
