Is í Aire Norma Foley atá ar ‘career breaks’, a mhol deireadh a chur le ‘career breaks’

Tá an tAire Oideachais Norma Foley ar sos gairme (career break) óna bheith ag teagasc, in ainneoin go bhfuil sí ag smaoineamh ar sosanna gairmeacha do múinteoirí a chur ar fionraí.

Dheimhnigh urlabhraí thar ceann an TD as Ciarraí inné go bhfuil an tAire ar saoire gan phá óna post múinteoireachta féin.

Is féidir le múinteoirí sos gairme de suas le cúig bliana a ghlacadh ag aon am amháin, agus deich mbliana thar a ngairmréim.

Dúradh inné go raibh an tAire ag scrúdú an togra mar go bhfuil an ghanntanas múinteoirí ag fágáil roinnt páistí gan an t-oideachas atá de dhíth orthu.

Tá sé tugtha le fios ag scoileanna ar fud na tíre go bhfuil deacrachtaí acu múinteoirí a aimsiú.

Tá sé ráite ag Líonra Príomhoidí Bunscoile na hÉireann (IPPN) go raibh an costas maireachtála agus an ghéarchéim tithíochta ag brú múinteoirí amach as Baile Átha Cliath, Cill Mhantáin agus Cill Dara, go háirithe.

Mar aon le sin, de réir suirbhé a rinne IPPN le déanaí, ní raibh 65% de bhunscoileanna Bhaile Átha Cliath agus 27% ar fud na tíre in ann a na foirne a líonadh i mbliana.

D’admhaigh foinse Rialtais é seo, agus dúirt siad go raibh gach rud á dhéanamh ag an Roinn Oideachais chun déileáil leis an bhfadhb.

‘Ba mhaith linn a fheiceáil na rudaí a oibríonn agus na rudaí nach n-oibríonn,’ a dúirt fhoinse.

Bhí ar oifigigh oideachais raon beart a dhéanamh cheana féin chun déileáil le ganntanas foirne.

Cháin dhá cheardchumann múinteoirí, Cumann Múinteoirí Éireann (INTO) agus Aontas Múinteoirí Éireann (TUI) an togra, áfach, agus dúirt siad nach ndearnadh aon chomhairliúchán leo.

Agus dúirt ceannaire Shinn Féin Mary Lou McDonald go raibh ‘iontas uirthi’ agus go raibh sí ‘gobsmacked’ ag chloisteáil moltaí an Aire ‘go háirithe toisc go bhfuil sí ar sos gairme ón múinteoireacht’.

Dúirt an Taoiseach Micheál Martin nach bhfuil aon chinneadh déanta agus go raibh ‘réimse iomlán’ tionscnamh déanta cheana féin maidir le soláthar múinteoirí.