Deir Leo Varadkar, a bheidh ina Thaoiseach go luath, go bhfuil sé ag iarraidh go leor tionscnamh sa tithíocht a chur chun cinn.
Áirítear leo, sosanna cánach do thógálaithe, cúnamh do thiarnaí talún beaga, agus iarradh ar Paschal Donohoe an sparán a oscailt.
Dúirt sé go bhfuil sé ag iarraidh plean Tithíochta do Chách an Rialtais a mhéadú.
Beidh sé ar ais sa ról mar Thoiseach ar an 17 Nollaig.
Dúirt sé go mbeidh sé níos fusa d’fhorbróirí leanúint ar aghaidh ag tógáil thithe, in ainneoin na gcostas ardaithe, mar gheall ar na sosanna cánach nua.
Ag an am céanna beidh a chomhghleacaí de chuid páirtí Fhine Gael, Paschal Donohoe, ina Aire nua Caiteachais Phoiblí agus tá súil ag Varadkar go gcuirfidh sé na billiúin eile isteach sa tithíocht.
Dúirt sé freisin go bhfuil sé ag iarraidh tacaíochtaí a thabhairt isteach chun tiarnaí talún beaga a choinneáil sa chóras, lena n-áirítear cead a thabhairt dóibh réadmhaoin a dhíol le tionóntaí in situ.
Dúirt sé: ‘Ní mór don Roinn Caiteachais Phoiblí díriú níos lú ar an airgead a chosaint, agus beagán níos mó a dhéanamh ar a chinntiú go gcaitear an t-airgead.’
Cé go ndúirt sé nach bhfuil straitéis éigeandála maidir le tithíocht ag obair faoi láthair, dúirt sé go raibh sé beartaithe aige ‘an chos a chur ar an luasaire thar an dá bhliain atá romhainn agus iarracht a dhéanamh an oiread tithe agus is féidir linn a thógáil’.
Dúirt foinsí sa Rialtas go bhfuil plé ar bun cheana féin ag an gComh-Aireacht faoi conas a d’fhéadfaí cistí breise a úsáid chun bloic iomlána árasán a cheannach ó fhorbróirí a bhfuil tús curtha acu le tionscadail cheana féin.
Mhínigh an tUasal Varadkar a chuid moltaí conspóideacha chun cabhrú le forbróirí, tar éis do go leor acu a bheith cáinte as a ról sa ghéarchéim eacnamaíoch.
‘Sílim go gcaithfidh an Roinn Airgeadais meon níos oscailte a bheith aici ar cad a d’fhéadfaimis a dhéanamh maidir le cúrsaí cánach chun go n-éireoidh níos fearr le forbairtí tithíochta,’ a dúirt an tUasal Varadkar.
Dúirt sé nach theastaíonn uaidh sonraí a lua mar ‘d’féadfadh sé sin a bheith ina chúis le daoine cinntí a dhéanamh agus iompar a athrú’.
Mar sin féin, thug sé le fios go bhfuil sé ag smaoineamh ar an gcostas tógála a dhéanamh níos saoire d’fhorbróirí.
‘Tá dhá réimse ann ar gá dúinn machnamh a dhéanamh orthu, dar liom. Baineann ceann amháin le bealaí chun cabhrú le forbróirí tithe a thógáil níos tapaigh. Tá forbróirí [agus] tógálaithe ag rá liom, gurb é ceann de na cúiseanna atá leis an mhoilliú ar thógáil tithe nua ná an méadú ar chostas ábhar tógála. Agus is amhlaidh nár éirigh le go leor forbairtí nua.
‘Mar sin tá go leor bealaí ann gur féidir linn cabhrú leis sin. Ach ní dóigh liom gur cheart dúinn a chur as an áireamh bearta cánach a chuideodh le tógáil tithe nua a cruthú.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
