Agus an bhliain nua ag druidim in ár dtreo, tá sé in am tosú ag pleanáil do laethanta saoire na bliana seo chugainn. Agus má tá Lonely Planet le creidiúint, ní bliain don Staycation í 2023 do Éireannaigh.
Níl áiteanna saoire móréilimh in Éirinn ar nós Baile Átha Cliath agus Cill Áirne ar aon cheann de na liostaí.
Tá liostaí curtha le chéile, ag na comhairleoirí taistil, de na háiteanna is fearr le cuairt a thabhairt orthu an bhliain seo chugainn, faoi na ceannteidil: Bia; Dul ar Thuras; Do scíth a ligean; Bualadh le Daoine: agus Oideachas. Agus is iad Manchain (Manchester) agus Albain na háiteanna is gaire d’Éirinn ar aon cheann de na liostaí.
Ach fós tá 30 háit ar an liosta.
Do na ‘Foodies’ bhí príomhchathair Peiriú, Lima ar bharr an liosta, le réigiún Umbria san Iodáil agus an chathair Sheapánach, Fukuoka, ag teacht ina dhiaidh sin.
Más maith leat taisteal timpeall na háite, is iad na háiteanna is fearr dul ann ná an Bhútáin, Parques Nacionales Naturales sa Cholóim, nó tóg an traein thar oíche ó Iostanbúl go Sóifia.
Más mian leat do scíth a ligean téigh go dtí an oileán sa Mhuir Chairib, Doiminic nó réigiún Raja Ampat san Indinéis nó Halkidiki sa Ghréig.
Chun bualadh le daoine bain triail as an Albáin nó cathair Accra i nGána nó Boise, i stát Idaho i Meiriceá.
Sa chatagóir Oideachas moltar dul go dtí an chathair Manchain, i Sasana, chomh maith le deisceart na hAlban.
Seo shios na liostaí
Bia
Lima, Peiriú
Umbria, an Iodáil
Kuala Lumpur, an Mhalaeisia
Fukuoka, an tSeapáin
an Afraic Theas
Montevideo, Uragua
Dul ar Thuras
Nova Scotia, Ceanada
Bhútáin
an tSaimbia
Iarthar na hAstráile
Páirceanna Nacionales Naturales na Colóime
Traein ó Iostanbúl go Sóifia
Do scíth a ligean
an Iordáin
Halkidiki, an Ghréig
Iamáice
Doiminic
Raja Ampat, an Indinéis
Málta
Bualadh le daoine
Accra, Gána
an Albáin
Sydney
Ghuáin
Alasca
Boise
Oideachas
Nua-Mheicsiceo, Stáit Aontaithe Mheiriceá
Marseille, an Fhrainc
Manchain, Sasana
Dresden, an Ghearmáin
El Salvador
Albain Theas
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
