Fleadh Folk le ceiliúradh a dhéanamh ar cheol Uladh

Agus Fleadh Cheoil na hÉireann ag teacht go Cathair Bhéal Feirste den chéad uair riamh i mbliana, tá bús ar fud na cathrach agus an Fhleadh ag teannadh linn. Is clár ceoil uair an chloig é Fleadh Folk a thugann léargas ar an tábhacht atá leis an gceol i gCúige Uladh.

Á chur i láthair ag Jane Rea agus John Toal, tugann an clár muid ar aistear ceoil ar fud Thuaisceart Éireann – ó ranganna ceoil thraidisiúnta i bPort Rois, go seisiún ceoil i mBéal Feirste, go blaiseadh d’Fhleadh Uladh i bPointe an Chaisleáin Rua, agus ag críochnú le ceolchoirm bheo i Halla Mandela.

Déanann Fleadh Folk ceiliúradh ar fhréamhacha comhroinnte cheol Uladh, áit a dtagann ceoltóirí traidisiúnta Gaeilge, Ultacha Albanacha agus ceoltóirí ceoil na ndaoine comhaimseartha le chéile chun an ceol a cheiliúradh thar thraidisiúin, thar ghlúnta agus thar theangacha. Ó rithimí an druma Lambeg agus an bhodhráin go foinn fidle, píobaireacht, amhránaíocht agus damhsa, is ceiliúradh é seo ar cheol Uladh – áit a sreabhann traidisiúin isteach, amach agus le chéile.

Beidh cuid de na ceoltóirí is fearr i dTuaisceart na hÉireann le feiceáil ar an gclár, ina measc Foy Vance, The Reuben Agnew Trio, The Blackwater Céilí Band, Piarais Ó Lorcáin, Dermot Byrne, Stevie Dunne, Gino Lupari, The McKenna Family, Kathryn Stewart, Caitríona Ní Ghribín, Miadhachlughain O’Donnell, Zoran Donohoe, agus Lisa Dawson. Léiriú le Clean Slate TV le tacaíocht ó An Chiste Craoltóireachta Gaeilge, Ulster Scots Broadcast Fund, TG4 agus BBC.

Scéalta Gaeilge ExtraG.ie
ar fáil ar ríomhphost (email)

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil