Pitt stop Banshee! Kerry Condon ag caint faoina ról le Brad Pitt ina scannán nua, F1

‘Ní raibh a fhios agam tada faoi F1. Ní raibh a fhios agam ach faoi cheiliúradh an champagne!’ a deir Kerry Condon as Banshees of Iniserin faoina scannán nua, F1,  le Brad Pitt

Tá Kerry Condon i scannán nua le Brad Pitt, ina chéad tionscadal mór le rá ó bhí sí in Banshees of Inisherin.

Bhí Kerry i roinnt ról ó bhí sí in Banshees, ach is léiriú mór é F1 – agus tá Brad Pitt ann freisin!

Tá Kerry, atá 42 bliain d’aois, taobh le Pitt ina scannán nua faoi rásaíocht Formula 1, a chosnóidh $130 milliún (€118 milliún).

Tá ról ag Kerry mar stiúrthóir teicniúil na foirne rásaíochta, a dhéanann maoirseacht ar dhearadh agus ar fhorbairt an ghluaisteáin rása sofaisticiúla.

Is é an rud greannmhar faoina ról nua ná gur admhaigh sí nach bhfuil aon rud ar eolas aici faoi rásaíocht mhótar.

‘Ní raibh aon rud ar eolas agam faoi F1, tada ar chor ar bith. Ní raibh a fhios agam ach faoin ardán agus faoi cheiliúradh an champagne? Sin a bhí ar bharr m’eolais,’ a dúirt sí.

‘Bhí orm go leor a fhoghlaim? Faoi thaobh na hinnealtóireachta de dhéanamh an ghluaisteáin agus faoin bhfisic a bhaineann leis.’

Leanann an scannán Pitt mar thiománaí F1 a thagann as scor chun tiománaí óg a mhúineadh.

Ainmníodh Kerry, arb as Tiobraid Árann í, d’Oscar don Aisteoir Tacaíochta Mná is Fearr dá ról in Banshees, le Colin Farrell agus Brendan Gleeson.

Bhuaigh sí Bafta freisin, i measc an iliomad gradam scannán eile.

Tá aithne ag Kerry freisin as a ról i Better Call Saul ar Netflix, chomh maith le Three Billboards Outside Ebbing, Missouri.

Cé gurbh fhéidir go bhfuil léirmheasanna sármhaithe buaite ag Condon as a ról in Banshees of Inisherin, táthar ag súil go gcabhróidh an ról atá aici le Pitt, í a thiomáint isteach i scannáin mhóra.

Amach ó na ceamaraí, tá aithne ar Condon mar gheall ar an ngrá atá aici d’ainmhithe agus dúirt sí gurb é a aisling ná tearmann ainmhithe a bhunú.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil