Tá Dr Tony Holohan, iar-Phríomh-Oifigeach Leighis na hÉireann, ar tí pósadh arís.
Rinne sé fógra ar na meáin shóisialta go mbeidh sé féin agus a ghrá geal, Ciara Cronin, ag pósadh go luath. Is múinteoir yoga í Ciara, agus tá an lánúin le chéile ó 2023.
An deireadh seachtain seo caite, roinn Tony grianghraf álainn den bheirt ag baint taitnimh as an ngrian i nDún Laoghaire.
Dúirt Dr Holohan: ‘Seachtain amháin eile go dtí ár lá mór – táim fíorbhuíoch go mbeidh mé féin agus Ciara ag caitheamh ár saol le chéile.’
D’aimsigh sé grá arís tar éis tréimhse bhróin.
Fuair a bhean chéile, Dr Emer Feely, bás i lár na paindéime sa bhliain 2021, tar éis di a bheith ag streachailt le hailse.
Labhair Dr Holohan go hoscailte faoi cé chomh crua is a bhí an t-am sin ina shaol.
Ag ócáid phoiblí i mBaile Átha Cliath, dúirt sé: ‘Nuair a thugann an saol dara seans duit, caithfidh tú greim a fháil air… is í Ciara an dara sheans atá agam.’
Mhínigh sé freisin go raibh Ciara ina taca aige le linn na laethanta dorcha.
Tá tacaíocht láidir ag an lánúin ón dá theaghlach.
Deir Dr Holohan go bhfuil Ciara an-mhaith leis na páistí, Ronan agus Clodagh, agus gur ghlacadar léi ón tús.
Tá seans go mbeidh an bheirt acu páirteach sa lá speisialta.
Dúirt Dr Holohan: ‘Glacadh Ciara go han-mhaith ní hamháin leis na páistí, ach leis an dá theaghlach – teaghlach Emer agus mo theaghlach féin. Tá sé fíorspeisialta.’
Beidh a bpósadh ar cheann de na hócáidí is áthasaí i saol Dr Holohan ó chaill sé Emer. Tá neart daoine ag súil go mbeidh an lá mór álainn agus lán le grá.
Chuir an fógra seo sceitimíní ar dhaoine. Dúirt duine amháin: ‘Gach dea-ghuí daoibh don todhchaí. Comhghairdeas le Tony agus Ciara.’
Scríobh duine eile: ‘Saol sona sásta daoibh le chéile.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
