Mar gheall ar na laethanta níos faide agus an aimsir dheas is cúis áthais é a bheith amuigh ar uiscebhealaí na hÉireann ag an am seo den bhliain; agus leis an oiread sin le feiceáil faoin spéir tá go leor le déanamh.
Mura bhfuil iontas uiscebhealaí na hÉireann aimsithe agat go fóill, bainfidh tú taitneamh as.
Leis na mílte cosáin áille, canálacha síochánta, agus cosáin cois abhann, tá neart áiteanna foirfe chun éalú ó shaol na cathrach.
Agus, caithfidh tú a admháil – tá rud ar leith ag baint le siúl feadh canálacha agus cosáin stairiúla a bhí mar chuid den tírdhreach leis na céadta bliain.
Ceann de na rudaí is fearr faoi na cosáin seo ná go bhfuil siad inrochtana, agus go bhfuil siad oiriúnach do shiúlóirí ar gach leibhéal.
Tá Uiscebhealaí Éireann i gceannas ar níos mó ná 600km de bhealaí trasna na hÉireann, thuaidh agus theas, ag nascadh bailte agus sráidbhailte le stráicí áille canála, abhainn agus tuaithe.
An bhfuil tú réidh le tosú?
Ar mhaith leat siúl feadh Shlí na Bearú nó Glasbhealach na Canálach Ríoga chun tús a chur leis an séasúr.
Cibé an bhfuil tú ag lorg siúlóid shocair cois abhann nó siúlóid fhuinniúil chun fáil réidh le fuacht an gheimhridh, cabhróidh an dá bhealach áille seo leat taitneamh a bhaint as an earrach ina áilleacht ar fad.
Baile Átha Í go Baile an Bhiocáire – Slí na Bearú (11km)
Tógann an stráice síochánta seo de Shlí na Bearú tú ar cheann de na huiscebhealaí is áille in Éirinn, áit a bhfuil sruth na habhann agus amhrán na n-éan ar aon dul le do shiúlóid.
Agus tú ag tosú i mbaile stairiúil Bhaile Átha Í, gheobhaidh tú taithí ar oidhreacht láidir mhuirí agus trádála an bhaile sula n-imeoidh tú amach ar bhruach na habhann. Rachaidh tú thar an tuath ildathach, foraoiseacht shíochánta, droichid chloiche iontacha agus uiscerianársa.
Ar an mbealach seo, bí ag faire amach don fhiadhúlra a bheidh ag éirí as codladh geimhridh – lachain ag fánaíocht ar an abhainn, corr réisc ag seasamh in airde, agus seans go bhfeicfidh tú dobharchú fiú.
Agus an ghrian ag téamh an tírdhreacha, beidh éalú síochánta agat isteach sa dúlra, in áit atá oiriúnach le haghaidh siúlóid chiúin ar maidin nó le haghaidh eachtraíochta deireadh seachtaine.
Tá an bealach oiriúnach do gach leibhéal de shiúlóirí agus tá cothabháil mhaith ar an gcosán agus tá rochtain air i ngach aimsir.
Maigh Nuad go Cill Choca – Glasbhealach na Canálach Ríoga (6km)
Má tá siúlóid á lorg agat a mheascann an dúlra le haoibhneas na háite, is dócha gurb é an chuid de Ghlasbhealach na Canálach Ríoga ó Mhaigh Nuad go Cill Choca an rud atá uait.
Tosaíonn sé i mbaile bríomhar ollscoile Mhaigh Nuad, áit ar féidir leat taithí a fháil ar dhraíocht stairiúil an bhaile ollscoile sula n-imíonn tú ar feadh na canála.
Feicfidh tú dathanna an dúlra i rith an earraigh ar an mbealach seo, le crainn faoi bhláth, bláthanna fiáine ar an gcosán, agus scáil den spéir ghorm ag damhsa ar an uisce.
Murab ionann agus cosáin níos iargúlta, tá meascán de nádúr agus áisiúlacht ag an tsiúlóid seo, le neart áiteanna le stopadh le haghaidh caifé nó rud éigin le hithe ar an mbealach –coinnigh súil amach do na droichid stairiúla áille agus na tithe glasa (lock houses).
Agus tú ag druidim le Cill Choca, íslíonn an luas, agus tugann caiféanna agus bialanna mealltacha an bhaile leithscéal duit chun fanacht beagán níos faide.
Cibé an bhfuil tú ag bualadh le cairde, ag baint sult as turas aonair, nó ag tabhairt an teaghlaigh leat, is bealach éasca é seo chun fáilte a chur roimh an séasúr nua.
Tá dromchla iomlán ar an mbealach seo agus é éasca le siúl air, rud a fhágann gur rogha iontach é do gach leibhéal siúlóirí.
Cén fáth gurb é an t-earrach an t-am is fearr le dul ag siúl?
Nuair a shiúlann tú ar uiscebhealaí na hÉireann ag an am seo den bhliain bíonn na teochtaí níos séimhe, níl mórán sluaite ann agus feicfidh tú an dúlra ag teacht amach as an ngeimhreadh – bachlóga ar na crainn, éin san aer agus boladh úr an tséasúir.
Cibé an bhfuil tú ag tosú ar thuras 11km cois abhann nó ag roghnú siúlóid níos giorra 6km ar thaobh na canála, is bealach iontach iad na cosáin seo chun nasc a dhéanamh arís leis an dúlra agus taitneamh a bhaint as áilleacht uiscebhealaí na hÉireann.
Le haghaidh tuilleadh eolais ar bhealaí agus inspioráid don chéad siúlóid eile ar uiscebhealaí na hÉireann, tabhair cuairt ar waterwaysireland.org
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
