Fearg faoi alt Forbes ar Nicola Coughlan agus ‘mixed weight romance’ in Bridgerton

Tá cáil (agus conspóideach) ar Nicola Coughlan as a cuid aisteoireacht agus gníomhartha leis an Phalaistíne agus le Kim Kardashian – ach arís tá sí ag déileáil le claontacht faoi mheáchan (weight)

Tá cáineadh déanta ar an iris Forbes ar phíosa tuairime faoi Nicola Coughlan i Bridgerton, agus í i ‘mixed weight romance’.

Dúirt an t-alt nach bhfuil daoine ‘réidh fós’ chun beirt i ‘mixed weight romance’ a fheiceáil ar an scáileán cé go bhfuil an-tóír ar Bridgerton.

Dúirt an píosa, le Virgie Tovar, gur dhírigh ‘saineolaí ar chlaonadh meáchain’ ar an ngaol idir na carachtair Penelope Featherington agus Colin Bridgerton – siad sin na haisteoirí Coughlan, atá 37, agus Luke Newton, atá 31.

Dúirt Tovar, 42, faoin gcaidreamh ar an scáileán: ‘It defied romance plotline convention’, mar is cosúil go bhfuil Ms Coughlan ‘níos mó’ ná Newton.

Ach spreag úsáid Tovar as an bhfrása ‘mixed weight romance’, agus í ag caint faoi Coughlan, cáineadh ó léitheoirí.

Cheistigh go leor daoine, cén fáth ar ghá aird a thabhairt ar a meáchan.

Chuaigh lucht leanúna Coughlan chuig X, chun an scríbhneoir agus an foilseachán Forbes a cháineadh.

D’fhiafraigh roinnt daoine cén fáth ar úsáideadh an lánúin atá chun tosaigh ag Bridgerton mar shampla de ‘mixed-weight romance’.

D’fhiafraigh duine amháin, cén fáth nár scríobhadh ailt ar bith faoi fhir mhóra ag dul amach le mná níos lú i seónna agus scannáin.

‘What the f*** is a mixed weight relationship?’ a d’fhiafraigh an t-úsáideoir.

Agus spreag Coughlan sraith alt amhrasach faoina ról sa tsraith iomráiteach.

Bhí alt sa Guardian ag rá go raibh sí ‘a little bit fat and a lot hot’,  agus de réir alt sa Spectator, ‘she is not hot’.

Dúirt siad freisin nach bhfuil scéal faoi ‘chailín saille a fhaigheann an prionsa’ inchreidte, agus iad ag scríóbh faoi ról Coughlan.

Chuir sé sin fearg freisin ar lucht leanúna na sraithe teilifíse atá an-tóir air.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil