Fuair taighdeoirí amach go bhfuil seans i bhfad níos airde ag daoine atá ag glacadh an druga ‘fat jab’ Wegovy, a radharc a chailleadh go tobann, i gcomparáid leo siúd atá ag úsáid Ozempic agus drugaí eile mar é.
Úsáidtear cógais seimeaglúitíd (semaglutide) – lena n-áirítear Wegovy, Ozempic agus Rybelsus – go forleathan chun cabhrú le meáchain caillteanas, agus chun diaibéiteas cineál 2 a chóireáil.
Oibríonn siad trí shiúcra fola a ísliú, díleá (digestion) a mhoilliú agus goile (appetite) a laghdú.
Rinne staidéar, a foilsíodh sa British Journal of Ophthalmology, scrúdú ar thuairiscí ar chásanna neamhchoitianta caillteanas radhairc tobann ar a dtugtar ‘non‑arteritic anterior ischaemic optic neuropathy’ (Naion). Go minic tugtar strócanna súl (eye stroke) orthu.
Tarlaíonn siad seo nuair a thiteann sreabhadh fola chuig an néaróg optúil, rud a fhágann caillteanas radhairc tobann agus buan, de ghnáth i súil amháin.
Fuair na taighdeoirí amach go raibh beagnach cúig oiread an riosca an riocht seo a fhorbairt ag daoine a bhí ag glacadh Wegovy le haghaidh meáchain caillteanas i gcomparáid leo siúd a bhí ag glacadh Ozempic nó drugaí eile.
Is cosúil go raibh riosca níos airde ag fir ná mná freisin. Mar sin féin, tá Naion an-annamh fós, ag dul i bhfeidhm ar thart ar dhuine as gach 10,000 duine atá ar cógais seimeaglúitíd (semaglutide).
Tá an comhábhar gníomhach céanna sna trí chógas a dhéanann Novo Nordisk, ach tá na dáileoga difriúil. Is instealladh seachtainiúil dáileoige níos airde é Wegovy, agus is instealladh dáileoige níos ísle é Ozempic le haghaidh diaibéiteas. Glactar Rybelsus mar tháibléad laethúil.
Tugann údair an staidéir le fios go bhféadfadh an dáileog níos airde agus an éifeacht níos tapúla de Wegovy an riosca méadaithe a mhíniú.
Níor léirigh Rybelsus ná an druga diaibéiteas Mounjaro aon riosca breise, b’fhéidir toisc go n-ionsúnn siad níos moille nó go n-úsáideann siad meicníochtaí difriúla.
Tá rabhaidh eisithe ag údaráis sláinte sa Ríocht Aontaithe agus san AE cheana féin, ag cur béim ar an bhfíric go bhfuil an riosca thar a bheith íseal ach ag comhairliú d’othair cúram práinneach a lorg má thugann siad faoi deara athruithe tobann sa radharc.
Deir speisialtóirí súl go bhfuil gá le tuilleadh taighde, toisc go mbraitheann an staidéar ar chásanna tuairiscithe agus nach féidir leo a chruthú gurb é an druga is cúis leis an bhfadhb go díreach.
Deir Novo Nordisk gurb é sábháilteacht othar a phríomhthosaíocht fós agus áitíonn sé, ar an iomlán, go bhfuil buntáistí semaglutide níos mó ná na rioscaí.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
