Tá Gardaí atá ag fiosrú imeacht agus dúnmharuithe beirt bhan óg – Jo Jo Dullard agus Deirdre Jacob – tar éis tús a chur le hoibríocht cuardaigh oscailte ar theorainn Chill Mhantáin/Chill Dara.
De réir tuairisce san Irish Independent, d’fhéadfadh an cuardach nua a bheith nasctha le himscrúduithe faoi Larry Murphy.
De réir na tuairisce, ba é leid gan ainm (anonymous) a thuairiscigh gníomhaíocht amhrasach a bhain le rud éigin a bheith curtha i gcairéal ar theorainn Chill Mhantáin-Chill Dara a spreag na Gardaí chun an cuardach a sheoladh.
Chonacthas bean as Cill Chainnigh, Jo Jo Dullard, go deireanach ag thart ar 11.37pm ar an 9 Samhain, 1995 i sráidbhaile Mhóine (Moone), Co. Chill Dara, agus í ag taisteal abhaile go Callainn, Co. Chill Chainnigh.
Bhí sí 21 bliain d’aois nuair a d’imigh sí, agus bhí Deirdre Jacob 18 mbliana d’aois nuair a chuaigh sí ar iarraidh ar an 29 Iúil, 1998.
Dheimhnigh ráiteas ón nGarda Síochána Dé Luain go leanann siad de bheith ag coinneáil intinn oscailte maidir le fiosrúcháin na mban ar iarraidh.
Dúirt siad go ndéanfar cuardach ar achar talún agus go ndéanfar tochailt air, chomh maith le scrúduithe teicniúla agus fóiréinseacha, sna laethanta amach romhainn mar chuid den chuardach a thosaigh Dé Luain.
Dúirt na Gardaí: ‘Tá Foireann Athbhreithnithe Coireachta Tromchúiseach, Biúró Náisiúnta An Gharda Síochána um Imscrúdú Coiriúil (NBCI) i gceannas ar an oibríocht chuardaigh le tacaíocht ón mBiúró Náisiúnta Teicniúil an Gharda Síochána agus acmhainní áitiúla ó rannáin Chill Dara de réir mar is gá.’
Tá tacaíocht ó shaineolaithe stáit eile ag an oibríocht chuardaigh, más gá.
Tá teaghlaigh Ms Dullard agus Ms Jacob á gcoinneáil ar an eolas faoi na himscrúduithe, agus deir na Gardaí go bhfuil siad ‘láneolach’ ar na forbairtí is déanaí.
D’áitigh na Gardaí ar aon duine a bhfuil aon fhaisnéis acu, is cuma cé chomh beag nó neamhthábhachtach is a dhealraíonn sé, teacht chuig a stáisiún Gardaí áitiúil, nó trí Líne Rúnda na nGardaí ar 1800 666 111.
Tagann an cuardach is déanaí i ndiaidh cuardaigh fhairsing i Gráinseach Choinn (Grange Con), Co. Chill Mhantáin i 2024 a mhair trí seachtaine go leith mar chuid den imscrúdú ar imeacht Ms Dullard.
I 2021, rinneadh cuardach ag Briubhal Thoir (Brewel East), ar theorainn Chill Dara/Chill Mhantáin, mar chuid den imscrúdú ar imeacht Ms Jacob.
Seoladh tochailt talún na nGardaí d’fhonn a corp a aimsiú, nó aon fhianaise a léireodh go bhféadfadh sí a bheith ann.
Fear ina 50idí a gabhadh ar amhras faoi dhúnmharú Ms Dullard ach scaoileadh saor é gan chúiseamh.
Tuairiscí ar ‘ghníomhaíocht neamhghnách’ in aice le baile fearainn Uisce Beag (Usk Little) tráthnóna imeacht Ms Jacob i mí Iúil 1998, a spreag an oibríocht, ach bhí bleachtairí ag lorg fianaise freisin a bhain le himeacht ban eile i gCúige Laighean – lena n-áirítear Dullard.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
