Tá roinnt cógaslanna ag gearradh táille go mícheart ar na cáiníocóirí as na ‘spuaicphaca (‘blister packs’)’ a eisiúint, de réir an tAire Sláinte Jennifer Carroll MacNeill.
Is pacáistí iad na ‘blister packs’ ina bhfuil dáileoga laethúla táibléad i bpócaí plaisteacha ar leithligh ionas go mbeidh a fhios ag othair go díreach cad é na cógais atá le glacadh acu ar lá ar bith.
Tá siad an-chabhrach do dhaoine scothaosta agus do dhaoine eile atá ar roinnt táibléíd éagsúil ag amanna éagsúla den lá.
Déanann siad cinnte nach gcuireann othair iad féin i mbaol trí dháileog mhícheart d’aon chógas a ghlacadh.
Mar sin féin, tá an tAire Sláinte cáinte as an gcinneadh stop a chur le híoc as na pacáistí, a chosnaíonn idir €20 agus €50 in aghaidh an othair gach mí.
Ciallaíonn sé seo nach gceannódh go leor daoine a bhraitheann ar a bpinsean le maireachtáil iad.
Mar gheall ar an gcáineadh láidir, tá an Rialtas tar éis aontú moill a chur ar tharraingt siar na muirear – ach deir daoine gur cheart dóibh an plean a thréigean.
Dúirt an tAire go raibh cógaslanna áirithe ag gearradh táille go mícheart ar an gcáiníocóir as na ‘blister packs’.
D’fhéadfadh daoine scothaosta billí suas le €50 in aghaidh na míosa a íoc i dtáillí cógaisíochta as cógais in sna ‘blister packs’ .
Mar sin féin, dúirt Aontas Cógaisíochta na hÉireann (IPU) tar éis dóibh dul i mbun oibre go fairsing leis an Roinn Sláinte agus leis an HSE, gur comhaontaíodh sos a chur le tabhairt isteach na dtáillí go dtí dáta níos déanaí sna chéad trí mhí den bhliain nua.
Dúirt an IPU go raibh sé tábhachtach a shoiléiriú nach n-aisíoc an Stát soláthar na ‘blister packs’ agus gur seirbhís phríobháideach í le táillí comhréireacha arna socrú ag cógaslanna aonair.
Dúirt an tAire: ‘Tá daoine ann a íocann as ‘blister packs’ agus a rinne siad i gcónaí. Is seirbhís phríobháideach í nár chlúdaigh an Stát riamh, seirbhís phríobháideach a chuireann cógaslanna ar fáil dá n-othair.
‘Gearrann cuid acu €5, €10, €15 agus labhair mé le daoine atá ag íocadh sin le blianta fada agus is chun cógas a dhéanamh níos áisiúla agus níos sábháilte do dhaoine éagsúla atá sé sin.’
Lean sí uirthi: ‘Is é an rud a d’íoc an Stát as i gcónaí agus a leanann de bheith ag íoc as ná an rud ar a dtugtar ‘dáileadh céimnithe’, mar sin tá roinnt drugaí ann atá an-chontúirteach, drugaí ‘opioid’, cóidín, drugaí mar sin, agus d’íocamar cógaiseoirí chun é a thabhairt d’othair go seachtainiúil seachas go míosúil ionas go bhfaigheann siad méid laghdaithe ar chúiseanna sábháilteachta.’
Dúirt Ms Carroll MacNeill freisin ‘go bhfuil sé an-soiléir gur cleachtas mícheart a bhí anseo ag roinnt cógaiseoirí agus sílim go bhfuil an tAontas Cógaisíochta [Éireannach] féin an-díograiseach a chinntiú go gcuirfidh sé seo deireadh’.
Dúirt an tAire go ndéanfaidh an Roinn Sláinte dianteannadh ar chógaiseoirí a ghearrann táille mhícheart ar an gcáiníocóir feasta trí phróiseas níos trédhearcaí a thabhairt isteach chun a chinntiú go bhfuil rian páipéir ceart caiteachais agus luach ar airgead ann maidir le spuaicphaca a eisiúint.
Dúirt sí nuair a íocann daoine sa chógaslann, go dtabharfar admháil dóibh a thaispeánann costais sheirbhísí gairmiúla na gcógaiseoirí.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
