Ní bheidh seans ag Maria Steen seasamh sa toghchán uachtaránachta. Agus cé go gceapann ceannairí Fhianna Fáil agus Fhine Gael gurb é sin deireadh na scéala, is dócha go bhfuil siad mícheart. Is bean chumhachtach í Maria Steen a bhfuil tacaíocht láidir aici. Agus tá cúis mhaith ag a lucht tacaíochta gearán a dhéanamh anois.
Chuir Fianna Fáil agus Fine Gael cosc uirthi seasamh i dtoghchán. Níor lig siad don phobal cinneadh a dhéanamh cé ba chóir a bheith ina Uachtarán eile.
Tá a lucht tacaíochta ag cur an milleáin ar bhaill neamhspleácha an Oireachtais as gan tacú léi, go háirithe na coimeádaigh.
Agus tá na baill Oireachtais nár ainmnigh í ag gearán faoi chineál an cháinte a fhaigheann siad, go háirithe ar líne, toisc nár ainmnigh siad í.
Sin í an pholaitíocht.
Ach rud amháin atá soiléir. Chuir Fianna Fáil agus Fine Gael teachtaireacht láidir amach chuig a dTeachtaí Dála agus a Seanadóirí – agus fiú chuig a gcomhairleoirí – gan tacú le hiarracht Ms Steen seasamh sa toghchán.
Is cinnte go bhfuil smacht agus aontacht ag teastáil ó pháirtithe le linn toghcháin agus i vótaí Dála. Mar sin féin, ar cheart dóibh a gcumhacht a úsáid chun cosc a chur ar dhuine dul os comhair na ndaoine chun a vótaí a iarraidh?
Níos tábhachtaí fós, ar cheart go mbeadh an chumhacht acu é sin a dhéanamh?
Is ceisteanna iad sin do cheannairí na bpáirtithe sin, atá I gceannas ar an tír ó bunaíodh an Stát, agus atá sa Rialtas anois.
Is ceist í sin le cur orthu? Ach ceist eile is ea: cé hí an bhean seo a chuir eagla ar an dá pháirtí polaitiúla is cumhachtaí sa tír?
Saol teaghlaigh
Is ailtire agus abhcóide as Baile Átha Cliath í Maria Steen. Tá sí pósta le Neil Steen, abhcóide sinsearach, le beagnach fiche bliain, agus tá cúigear páiste acu, idir trí agus ocht mbliana déag d’aois.
D’éirigh sí as cleachtadh dlí chun a páistí a oideachas sa bhaile, agus tá cáilíocht Montessori aici dá bharr.
Deir sí féin gur ‘obair a saoil’ atá sa phósadh agus sa teaghlach.
Tá sí gaolta le Theresa Lowe (láithreoir RTÉ) agus le Joan Freeman (bunaitheoir Pieta House agus iarsheanadóir)
Oideachas agus gairm
Bhain Maria céim amach in ailtireacht ó UCD i 1999 agus d’oibrigh sí i gcleachtas mór sula ndeachaigh sí le dlí.
D’éirigh sí ina habhcóide tar éis di staidéar a dhéanamh i King’s Inns, ach d’éirigh sí as an mbarra nuair a tháinig a páistí chun aois, chun iad a oideachas sa bhaile.
Feachtasaíocht agus polaitíocht
Tá Maria Steen gníomhach i gcúrsaí poiblí le blianta fada, go háirithe ar son tuairimí coimeádacha.
Bhí sí ar an taobh a bhuaigh sna reifrinn ar an Teaghlach agus ar Chúram i 2024, ag moladh vóta ‘Níl-Níl’ agus ag dul i mbun díospóireachta le Micheál Martin ar Prime Time.
Tar éis na reifreann, dúirt sí gur ‘bua do smaointe ciallmhara’ a bhí ann.
Bhí sí páirteach freisin sna feachtais i gcoinne an ghinmhillte agus an chomhionannais pósta, áit ar sheas sí leis an taobh ‘Níl’.
Deir Maria Steen go bhfuil sí ag seasamh ar son na dteaghlach, a gceart fanacht le chéile, agus a bpáistí a thógáil de réir chultúr agus traidisiúin na hÉireann.
Deir sí go bhfuil sí ag iarraidh guth a thabhairt dóibh siúd atá ‘gan dídean go pholaitiúil’.
Ar a suíomh feachtais, deir sí: ‘Seasaim ar son na dteaghlach: a gceart fanacht le chéile, cosaint a thabhairt do pháistí, agus iad a thógáil de réir ár gcultúr agus ár dtraidisiúin – agus maireachtáil le dínit i dtír a chuireann an teaghlach chun cinn.’
Má éiríonn léi dul ar an bpáipéar ballóide, beidh sí san iomaíocht le Catherine Connolly (Neamhspleách), Heather Humphreys (Fine Gael), agus Jim Gavin (Fianna Fáil).
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
