Deir staidéar gur féidir le codladh ar feadh níos mó ná uair an chloig i rith an lae an baol stróc a mhéadú faoi bheagnach ceathrú, go háirithe mura bhfaigheann daoine dóthain codlata san oíche.
Ach deir sé gur féidir le codladh 30 go 40 nóiméad i rith an lae feabhas a chur ar airdeallagus ar díriú.
Léirigh an taighde go bhféadfadh codladh níos faide ná 60 nóiméad riosca diaibéiteas cineál 2 agus fiú bás luath a mhéadú.
Leag an staidéar béim ar an tábhacht a bhaineann le codladh maith a fháil san oíche.
Rinne eolaithe ó Institiúid na Cothaithe i gColáiste Fudan i Shanghai, an tSín, staidéar ar shonraí codlata agus riosca stróc i níos mó ná 90,000 duine os cionn 50 bliain d’aois.
Fuaireadar go raibh daoine a chodlaíonn ar feadh uair an chloig nó níos faide gach lá i lár an lae 23% níos mó i mbaol stróc.
De réir Fhorais Chroí na hÉireann, bíonn thart ar 7,500 duine in Éirinn ag fulaingt stróc gach bliain, rud a gcuireann téachtán fola (blood clot) stop le sreabhadh fola chuig an inchinn – agus is minic a bhíonn pairilis pháirteach, fadhbanna cainte agus fiú bás mar thoradh air.
Léirigh an staidéar, a foilsíodh san iris Sleep Medicine, go raibh na rioscaí is airde i measc daoine nach gcodlaíonn ach níos lú ná seacht n-uaire san oíche.
Creideann na taighdeoirí go bhféadfadh nósanna codlata míshláintiúla athlasadh (inflammation) a chur sna soithigh fola a sholáthraíonn an inchinn – rud a d’ardódh an riosca téachtán.
Dúradar: ‘Tá codladh lá coitianta ar fud an domhain. Léiríonn na torthaí seo go bhfuil iarmhairtí sláinte diúltacha nuair a úsáideann daoine codladh fada sa lá ma gheall ar chodladh gearr na hoíche.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
