Thosnaíos an taisteal seo díreach taobh amuigh de Chaisleán an Bharraigh (Castlebar) i mbruachbhaile darbh ainm Dromainn na gCloch (Snugborough).
Tá bóthar álainn agus réidh idir an áit seo agus an Port Nua (Newport), le lochanna, foraoisí agus portach in aice leis.
Ní dhéanann tú ach 12 ciliméadar ach tugann an tírdhreach éagsúil pléisiúr duit.
Tá an Port Nua suite ar chósta Chuan Mó (Clew Bay), agus tá sean-iarnród áirseach (archway) thar Abhainn na Dairge Duibhe (Black Oak River) ann.
Ansin, leanas an bóthar go dtí Cathair na Mart (Westport) taobh le Bealach Mór an Iarthair (Great Western Greenway), cosán atá iontach do shiúlóirí, rothaithe agus reathaithe.
Mar rothadóir, molaim an bóthar ó Chaisleán an Bharraigh tríd an Phort Nua agus go dtí Cathair na Mart.
Is baile pictiúrtha é Cathair na Mart, lán le beáir, bialanna agus seisiúin cheoil traidisiúnta na hÉireann.
Is fiú stad ann, cé go mbíonn an trácht plódaithe agus tógann sé 15 go 20 nóiméad teacht tríd fiú ar rothar.
Ag fágáil na cathrach, thógas an bóthar go dtí an calafort álainn le foirgnimh cloch agus bialanna.
Ansin casaim i dtreo Chruach Phádraig, a sheasann go láidir os cionn na spéire ar an tSlí Atlantaigh Fhiáin. Beidh Cuan Mó ar do thaobh deas agus An Chruach Phádraig os do chomhair. Ní stopaimid go leor riamh chun áilleacht ár dtíre a ghlacadh isteach.
Caithfidh turasóirí ó gach cearn den domhan mílte euro a chaitheamh chun an áilleacht seo a fheiceáil, ach is minic a rithimid thar ar an mbóthar gan stad.
Is é mo stad deireanach ná Staunton’s Pub, atá suite go beacht i scáth Chruach Phádraig.
Mothaím go mór ar mo chompord anseo — b’fhéidir an boladh tine portach, na ceapairí tósta, an t-anlann bia mara nó cairdeas na ndaoine áitiúla.
Cibé an fáth é, tá an áit seo cosúil le baile domsa. Molaim cuairt a thabhairt air má tá tú sa cheantar nó fiú ar an mbóthar.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
