Éist liom a CRÁ mo chroí! Tá muid le feiceáil ar fud na cruinne!

Tá CRÁ, an tsraith choireachta ó TG4, le feiceáil ar fud na hEorpa agus Mheiriceá i nGaeilge le fotheidil Bhéarla – agus brú anois chun tús a chur le scannánú shéasúr 2

Tá an-tóir ar fud an domhain ar CRÁ, an dráma coireachta Gaeilge de chuid TG4, atá díolta anois le hardáin i 68 dtír agus atá ag sruthú faoin ainm idirnáisiúnta Boglands.

Tá an tsraith de 6 chuid seo tar éis craoltóirí agus lucht féachana araon a mhealladh, agus tá cearta ar an tsraith faighte anois ag ardáin mhóra amhail ARTE sa Fhrainc agus AMC Networks/Acorn TV sna Stáit Aontaithe.

Tá CRÁ á shruthú i nGaeilge le fotheidil sna Stáit Aontaithe agus san Astráil faoi láthair, ag tabhairt ardán do scéalaíocht chomhaimseartha na Gaeilge.

Le súil tógáil ar rath na chéad sraithe, tá na léiritheoirí agus na craoltóirí ag brú anois chun tús a chur le scannánú shéasúr 2 i dtús na bliana 2026.

Bhí an chéad léiriúchán CRÁ ar TG4 agus ar Sheinnteoir TG4  (TG4.ie) ar dtús an 11 Samhain, 2024.

Suite i dtírdhreach Dhún na nGall, insíonn CRÁ scéal an Gharda Conall Ó Súilleabháin (Dónall Ó Héalaí – Monster, Foscadh), atá sáite, dá bhuíochas, i gcás an-phearsanta nuair a aimsítear corp a mháthar, Sabine, cúig bliana déag tar éis a báis.

Cuirtear cosc air tabhairt faoin imscrúdú oifigiúil agus dá bhrí sin, téann Conall i gcomhar le Ciara-Kate (Hannah Brady), iriseoir ceanndána a bhaineann leas as a podchraoladh faoi choirscéalta a tharla chun na rúin is dorcha sa sráidbhaile a nochtadh.

Tá cliar den scoth i CRÁ ina measc Dónall Ó Héalaí, Alex Murphy (The Young Offenders), agus Hannah Brady mar Ciara-Kate. I measc na n-aisteoirí tacaíochta tá Barry McGovern (Obituary), Róisín Murphy (Vikings), Tara Breathnach (Borderline, Dune 2), Caoimhe Farren (The Woman in the Wall) agus Alan Mahon (King Frankie).

Tá CRÁ ar fáil le fotheidil Bhéarla ar Sheinnteoir TG4 ANSEO

Tá seinnliosta eisiach ar Spotify ANSEO.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil