D’fhág Cairdinéal an ‘Conclave’ mar gheall ar chiontuithe calaoise

Tosóidh an Comhthionól Cairdinéal( Conclave) chun comharba Pápa Proinsias a thoghadh ar an 7 Bealtaine ach tá cardinéal amháin imithe cheana féin

D’éirigh Cairdinéal Iodálach as an gcomhthionól le Pápa nua a thoghadh tar éis dó a bheith ciontaithe i gcalaois agus i gcaimiléireacht.

Is é an Giovanni Angelo Becciu, atá 76 bliain d’aois, an duine is sinsearaí i Vatacáin a bhí cúisithe riamh i gcoireanna den sórt sin. 

Dúirt sé go raibh sé fós cinnte faoina neamhchiontacht, ach go raibh sé ag leanúint toil an Phápa mar a rinne sé i gcónaí: ‘Shocraigh mé toil an Phápa Proinsias a leanúint agus gan dul isteach sa chomhthionól.’

I mí na Nollag 2023, gearradh cúig bliana go leith sa phríosún air i gcás mór ina raibh spiairí Vatacáine agus infheistíochtaí i réadmhaoin i Londain i gceist.

Cuireadh as a phost é i 2020, ach fágadh a theideal agus a árasán i Vatacáin aige, rud a d’fhág éiginnteacht faoi gcead a a bhí aige páirt a ghlacadh sa chomhthionól cairdinéal.

D’fhéadfadh a chinneadh drochthionchar a imirt ar Cairdinéal Pietro Parolin, Iodálach eile atá ag teacht chun cinn mar phríomh-iarrthóir le bheith ina chéad Phápa eile.

D’fhógair an Vatacáin go dtosóidh an comhthionól cairdinéal chun an Pápa nua a roghnú an Chéadaoin seo chugainn.

Tosóidh an Comhthionól (Conclave) chun comharba Pápa Proinsias a thoghadh ar an 7 Bealtaine agus glacfaidh 134 cairdinéal páirt sa vótáil i Séipéal Sistín sa Róimh.

As 252 cairdinéal reatha, tá 134 chairdinéal toghthóra ann. Agus tagann siad ó gach cearn den domhan le:

• 52 ón Eoraip;
• 23 ón Áise;
• 20 ó Mheiriceá Thuaidh;
• 18 ón Afraic;
• 17 ó Mheiriceá Theas;
• 4 ón Aigéine.

Is ag an Iodáil atá an líon is mó chairdinéil ar féidir leo vótáil, le 16, agus tá 10 sna Stáit Aontaithe agus seachtar sa Bhrasaíl.

Tá trí chairdinéal ag an mBreatain agus ní féidir leis an aon chairdinéal in Éirinn, Seán Brady, vótáil ar son aon phápa nua mar go bhfuil sé róshean.

Nuair a thosaíonn an Comhthionól Cairdinéal, ní bheidh na cairdinéil ag teacht amach as an Vatacáin go dtí go mbeidh duine roghnaithe acu.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil