Tá teach tábhairne cáiliúil Bhaile Átha Cliath, The Leopardstown Inn – nó The Lep mar a thugtar air go háitiúil – curtha ar an margadh den chéad uair le beagnach 50 bliain.
Tá an teach tábhairne suite gar don ráschúrsa i Leopardstown, rud a fhágann gur áit mhór é don lucht rása.
Tá praghas mór ar an Lep freisin – táthar ag súil le €7.25 milliún mar threoirphraghas.
Tá an pub suite i gceantar rachmasach gar do na hollchomhlachtaí teicneolaíochta Meta, Google agus Microsoft.
Cheannaigh an Loyola Group an Lep in 2015 ar thart ar €6 mhilliún – is í an chuideachta chéanna a bhfuil The Landmark, The Old Spot agus The Bath faoina stiúir freisin.
Sular ceannaíodh é, bhí an Lep faoi scrúdú dlí agus bhí sé á reáchtáil ag na deartháireacha Brian agus Des Reddy le blianta fada.
Tá an Lep suite ag crosbhóthar Brewery Road agus Leopardstown Avenue i Stillorgan, agus síneann sé thar 14,250 troigh cearnach.
Tá roinnt spásanna éagsúla ann: seomra óil ar an urlár íochtarach, limistéar cruinn le fuinneoga mór, beár poiblí, cistin, agus an Grape & Grain – siopa dí.
Ar an gcéad urlár, tá seomra feidhme le beár agus ardán ar an díon, leithris eile, dara cistin, oifigí do 22 duine, agus seomra comhdhála.
Tá íoslach ann freisin a úsáideann mar sheomra fuar do bheoir, agus tá páirceáil ag an Lep do thart ar 75 carr.
Dar leis an Irish Times, meastar go mbeidh spéis mhór sa teach tábhairne, go háirithe mar gheall ar an suíomh 0.91 acra atá oiriúnach d’úsáidí eile freisin – mar árasán, siopa áitiúil nó siopa lascainithe.
Dúirt John Ryan ó BDM Property: ‘Is deis annamh í seo ceann de na tithe tábhairne is rathúla i ndeisceart Bhaile Átha Cliath a cheannach. Meallfaidh an suíomh seo forbróirí agus miondíoltóirí.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
