Deir taighdeoirí go bhféadfadh deochanna cosúil le fíon geal agus champagne cabhrú le croí sláintiúil a choinneáil.
Is dea-scéal é seo do dhaoine a thaitníonn fíon leo. De réir an staidéir, laghdaíonn siad an baol taom croí tobann má óltar iad go measartha.
Dúirt Nicholas Grubic ó Ollscoil Toronto go gcuireann an taighde seo amhras ar an smaoineamh go bhfuil fíon dearg níos fearr don tsláinte ná fíon geal.
‘Tá na cúiseanna eolaíocha fós doiléir,’ a dúirt sé. ‘Ach léiríonn an staidéar seo go mb’fhéidir go bhfuil buntáistí an óil mheasartha níos casta ná mar a cheapamar roimhe.’
Rinne taighdeoirí ó Ollscoil Fudan i Shanghai an staidéar ar bhreis is 500,000 duine sa Bhreatain idir aois mheánach agus aosta.
Bhí 3,147 taom croí acu i rith tréimhse 14 bliana. Fuarthas amach go bhféadfaí beagnach dhá thrian díobh sin a sheachaint.
Luaigh siad 56 fachtóir riosca – idir nósanna maireachtála agus cúrsaí sóisialta.
Ach bhí cúig rud a thug an chosaint ba mhó don chroí:
Léirigh an staidéar freisin go méadaíonn mothúcháin mhíshona, meáchan ard, agus brú fola ard an baol taom croí.
Dúirt an Dr Huihuan Luo, ‘Fuaireamar go raibh baint láidir idir roinnt fachtóirí is féidir a athrú agus taom croí tobann. Is iad na hathruithe sa stíl mhaireachtála na cinn is tábhachtaí chun cosc a chur ar na himeachtaí seo.’
Foilsíodh an taighde sa Canadian Journal of Cardiology.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
