Tá sé ráite ag an Taoiseach leis an Dáil go bhfuil sé sásta ceisteanna faoin Úcráin agus Gaza a chur os comhair Donald Trump nuair a thugann sé cuairt ar an Uachtarán do cheiliúradh Fhéile Pádraig.
Bhí sé ag freagairt ceiste a chuir ceannaire Shinn Féin Mary Louy McDonald.
Léirigh an phobalbhreith is déanaí go bhfuil formhór na ndaoine ag iarraidh ar an Taoiseach cuairt a thabhairt ar Trump don ócáid, in ainneoin tuairimí an uachtaráin faoi uachtarán Volodymyr Zelensky san Úcráin agus muintir na Palaistíne.
Ag an am céanna dúirt 43% de mhuintir na hÉireann gur cheart don Taoiseach Trump a cháineadh.
Dúirt an Taoiseach go bhfuil Éire ag iarraidh comhaontú síochána san Úcráin ach ceann a mbeidh buan agus inbhuanaithe, agus ardóidh sé é seo le hUachtarán SAM nuair a thiocfaidh siad le chéile an tseachtain seo chugainn.
Ba í sin an argóint a bhí ag Zelesnsky, sé sin go gcaithfidh an tsíocháin a bheith buan, a chuir fearg ar Trump an tseachtain seo caite.
Mhéadaigh an Rúis a cuid ionsaithe drone agus diúracán ar an Úcráin, agus tá méadú tagtha ar fhulaingt mhuintir Gaza freisin tar éis d’Iosrael stad a chur ar chabhair ó dhul isteach agus bagairt a dhéanamh ar ionsaí arís.
Léirigh McDonald imní mhór faoin ordú idirnáisiúnta faoi láthair agus cháin sí an t-aistriú atá déanta ag an AE €800 billiún a chaitheamh ar ‘airm chogaidh’.
Léiríonn pobalbhreith a rinneadh tar éis do Trump náiriú a dhéanamh ar Zelensky go gcreideann formhór mhuintir na hÉireann gur cheart don Taoiseach ómós a thabhairt d’Uachtarán Mheiriceá ar Lá Fhéile Pádraig
Creideann formhór mhuintir na hÉireann gur cheart do Mhicheál Martin cuairt a thabhairt ar an Uachtarán Donald Trump le haghaidh Fhéile Pádraig.
Dúirt 71% díobh siúd a ceistíodh gur cheart dó taisteal go dtí an Teach Bán agus ní dúirt ach 24% gur cheart dó baghcat a dhéanamh air, in ainneoin gur chaith Trump aníos ar Uachtarán na hÚcráine Volodymyr Zelensky agus na pleananna a léirigh sé na milliúin duine a aistriú óna dtír dhúchais in Gaza.
Rinne Ireland Thinks an phobalbhreith don Sunday Independent tar éis do rialtas Trump a fhógairt go dtabharfaidh siad isteach taraifí 25% ar onnmhairí ón Aontas Eorpach go dtí na Stáit Aontaithe.
Creidtear go bhféadfadh siad seo bagairtí tromchúiseacha a chur ar sheasmhacht gheilleagar na hÉireann.
Léiríonn an pobalbhreith freisin go bhfuil níos mó ná 50% de phobal na hÉireann ag iarraidh go ndíreodh an Taoiseach ar fhadhbanna gheilleagar na hÉireann in ionad na fulaingthe atá ag daoine san Úcráin agus in Gaza.
Fuarthas amach sa phobalbhreith, áfach, go gcreideann 43% de mhuintir na hÉireann gur cheart don Taoiseach Trump a cháineadh.
Rinneadh an vótaíocht de 1,373 duine Dé hAoine agus Dé Sathairn agus tógadh é tar éis Trump agus a leas-uachtarán JD Vance a fheiceáil ag masla uachtarán na hÚcráine Zelensky beo ar an teilifís.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
