Tá cabhair míleata ó Rialtas na hÉireann don Úcráin dúbailte go €100 milliún i ndiaidh masla Donald Trump ar Volodymyr Zelensky san Oifig Oval i Washington.
Chomh maith leis sin labhair ceannairí an Aontais Eorpaigh agus an Bhreatain amach le tacaíocht a thabhairt d’uachtarán na hÚcráine tar éis an ionsaithe ó Trump beo air an teilifís.
Agus tá siad chun cur lena dtacaíocht mhíleata don Úcráin, rud a dúirt Trump go raibh sé ag iarraidh.
D’fhógair Príomh-Aire na Breataine Keir Starmer cinneadh na mílte diúracán ardchosanta aeir ó chomhlacht i mBéal Feirste a sholáthar don Úcráin.
Cruthóidh sé 200 post nua san iomlán ag an gcomhlacht déantúsaíochta míleata ag Thales i mBéal Feirste agus cabhróidh sé le níos mó ná 5,000 diúracán a chruthú do chosaint na hÚcráine.
Tagann sé seo tar éis do Trump brú a chur ar an Eoraip níos mó a íoc as an gcostas a bhaineann leis an Úcráin a chosaint, toisc go maíonn sé go bhfuil Meiriceá ag íoc an iomarca.
Tháinig an t-ionsaí ar Zelensky ó Trump agus a leasuachtarán JD Vance tar éis d’uachtarán na hÚcráine dearbhú slándáil a iarraidh, sula síneoidh sé conradh ag tabhairt líon mór mianraí Úcránach do na Stáit Aontaithe.
Bheartaigh Rialtas na hÉireann tacaíocht a thabhairt don Uasal Zelensky, roimh chuairt an Taoisigh Micheál Martin ar Washington i gceann deich lá.
Is dócha go mbeidh an chuairt sin ar an searmanas seamróige is deacra i stair an traidisiúin uathúil.
Rachaidh Martin ar aghaidh agus tabharfaidh sé bronntanas speisialta d’uachtarán Mheiriceá.
Dheimhnigh an Tánaiste Simon Harris freisin go bhfuil sé ag tabhairt plean don Chomh-Aireacht Dé Máirt a cheadóidh soláthar €100 milliún mar chúnamh míleata neamh-mharfach don Úcráin.
An mhí seo caite, d’iarr an tUasal Harris ar na hairí €50 milliún a cheadú i dtacaíocht mhíleata neamh-mharfach don Úcráin, chomh maith leis na céadta milliún euro mar chuid den tSaoráid Síochána Uile-Eorpach.
Ach tar éis na díospóireachta taidhleoireachta i Washington déanfar an maoiniú seo a dhúbailt.
In ainneoin na bhfadhbanna idirnáisiúnta, tar éis an ionsaithe ar Zelensky in Washington Dé hAoine, dúirt airí go bhfuil na pleananna ag dul ar aghaidh ‘mar is gnáth’ agus go mbeidh an Taoiseach ag bualadh leis an Uachtarán Trump sa Teach Bán ar 12 Márta.
Mar sin féin, admhaíonn foinsí Comh-Aireachta nach féidir talamh slán a dhéanamh d’iompar Trump agus é ag leanúint ar aghaidh ag caitheamh aníos ar a chomhghuaillíochtaí traidisiúnta.
Dúirt aire amháin go bhfuil pleananna ag dul ar aghaidh ach go bhfuil siad neirbhíseach fúthu.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
