Tá an chuma ar an scéal go bhfuilimid thar a bheith sásta mar náisiún faoi Bridget Jones: Mad About The Boy.
B’ionann tuilleamh an scannáin i bpictiúrlanna na hÉireann agus €763,000 sa chéad deireadh seachtaine, agus táthar ag súil go mbeidh sé ar an scannán is airde tuillimh i bpictiúrlanna na hÉireann i mbliana.
Chuaigh an ceathrú scannán agus an scannán deiridh faoi Bridget Jones – ina bhfuil Renée Zellweger mar an bhean shingil mhí-ámharach agus Leo Woodall mar a grá – go barr cairteacha scannán na hÉireann seachtain tar éis é a eisiúint ar an 13 Feabhra.
Ghnóthaigh an scannán níos mó ná €1.6 milliún ina chéad seachtain.
Baineadh an rath céanna amach sa Bhreatain, áit a raibh réamhdhíolacháin Bridget Jones níos fearr fós ná scannán 2023 Barbie.
Anois tá comhairle tugtha ag saineolaithe Bridget Jones: Mad About The Boy a bheith ar an gceann is mó rath i mbliana i bpictiúrlanna na hÉireann, agus freisin le bheith ar an gcoiméide rómánsúil is airde tuillimh sa tír.
Dúirt Cassandra Joyce, stiúrthóir díolacháin grúpa ag an gcomhlacht fógraíochta pictiúrlainne Pearl & Dean Ireland: ‘Tá sé ró-luath go fóill, ach níl aon dabht ach go bhfuil Bridget Jones: Mad About The Boy ina iomaitheoir mór cheana féin le bheith ar an scannán is mó in 2025 in Éirinn.
‘Bhí an oscailt ab airde riamh aige do choiméide rómánsúil le beagnach €763,000, agus tá breis agus €1.6 milliún sa tseachtain tar éis é a bheith eisithe ó shin i leith.
‘Mar sin, má leanann na treochtaí reatha ar aghaidh, tá gach seans ann go n-éireoidh sé le bheith ar an gcoiméide rómánsúil is rathúla a eisíodh sa tír seo riamh.
‘Cinnte ní bheadh iontas ar bith ann dá mbeadh Bridget Jones ar an scannán Uimh.1 in Éirinn do 2025.’
Tá fás seasta ag teacht ar thionscal pictiúrlainne na hÉireann sna blianta tar éis dheireadh na paindéime.
Tá iontrálacha fós le filleadh ar na leibhéil réamhphaindéimeach ach tá súil acu go gcuideoidh Bridget Jones leo.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
