Tá an Rialtas ag réiteach an bhealaigh do shaighdiúirí Éireannacha a imscaradh mar choimeádaithe síochána san Úcráin tar éis comhaontú síochána leis an Rúis, de réir tuairiscí.
Cuireadh tús le cainteanna idir na Stáit Aontaithe agus an Rúis san Araib Shádach Dé Máirt, agus ardaíodh imscaradh coimeádaithe síochána sa réigiún.
Dúirt an Taoiseach Micheál Martin agus an Tánaiste Simon Harris araon go bhfuil sé róluath plé a dhéanamh ar an ionchas go n-imscarfar trúpaí Éireannacha ar an talamh.
Dúirt roinnt foinsí Comh-Aireachta (Cabinet), áfach, nach bhfeiceann siad aon difríocht idir saighdiúirí Éireannacha a chur chuig an Úcráin agus chuig an Liobáin (Lebanon), de réir tuairisc san Irish Daily Mail.
Tá níos mó ná 300 trúpa Éireannacha lonnaithe sa Liobáin faoi láthair.
Dúirt iar-TD agus Fiannóglaigh (Ranger) an Airm Cathal Berry go gcreideann sé go n-imscarfar trúpaí Éireannacha má bhíonn trúpaí síochánaíochta san Úcráin.
D’admhaigh an Taoiseach inné go bhfuil tíortha Eorpacha buartha faoi na cainteanna idir an Rúis agus na Stáit Aontaithe faoin Úcráin.
Níor tugadh cuireadh d’oifigigh na hÚcráine chuig an gcruinniú in Riyadh.
Dúirt Aire Gnóthaí Eachtracha na Rúise Sergei Lavrov nach nglacfaidh a thír le fórsaí síochánaíochta ó thíortha NATO san Úcráin faoi aon chomhaontú síochána – ní chuirfeadh sé sin Óglaigh na hÉireann as an áireamh.
Tá sé ráite cheana féin ag Rialtas na Stát Aontaithe nach gcuirfidh siad a gcuid trúpaí isteach san Úcráin.
Idir an dá linn, tá sé ráite ag an Rialtas anseo freisin go mbeidh siad ag dul ar aghaidh le pleananna chun crosta (veto) na Náisiún Aontaithe a bhaint as trúpaí Éireannacha atá á n-imscaradh thar lear.
Thug an Rialtas an chros isteach chun eagla an phobail a mhaolú go gcuirfidh trúpaí Éireannacha i gceantair a chuirfeadh neodracht na hÉireann i mbaol.
Le míonna beaga anuas, áfach, tá an Taoiseach Micheál Martin ag caint faoi ghníomhaíocht mhíleata na hÉireann a mhéadú agus níl aon chomharthaí soiléire ann faoin áit a seolfar saighdiúirí Éireannacha nuair a bhainfidh an Rialtas crosta na Náisiún Aontaithe.
Teastaíonn ceadú na Comh-Aireachta, na Dála agus Chomhairle Slándála na Náisiún Aontaithe do chóras ‘glas triarach (triple lock)’ na hÉireann chun níos mó ná 12 saighdiúir a imscaradh ar mhisean thar lear.
Tuigtear go gcuirfidh leasuithe ar reachtaíocht sa Dáil deireadh leis an gceanglas maidir le formheas na Comhairle Slándála.
Cé gur thug Rialtas na hÉireann é seo isteach chun imní phobal na hÉireann a mhaolú, maíonn an tUasal Martin anois gurb ionann é agus crosta na Rúise.
Mar sin féin, deir Sinn Féin go gcuirfidh siad i gcoinne deireadh a chur leis an nglas triarach mar go mbaineann sé an bonn de neodracht na hÉireann mar go gcaitheann sé amach an dearbhú (guarantee) a thug Rialtas na hÉireann ag an am.
Gan é bheadh Rialtas na hÉireann – le vóta óna lucht tacaíochta sa Dáil – in ann trúpaí Éireannacha a imscaradh.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
