Tá corp an tsaorthumadóir (freediver) Robby Kinlan – a fuair bás níos luaithe an mhí seo sa Téalainn – tagtha ar ais abhaile tar éis achainí (appeal) poiblí.
Bhásaigh Robby, a bhí 21 bliain d’aois, as Coillte (Quilty), i gCo an Chláir, ar oileán Koh Tao.
Thángthas ar a chorp ina leaba agus a ghuthán ina lámh agus cluasáin ina chluasa, a dúirt a mhuintir.
Bhí rúndiamhra (mystery) faoina bhás tobann ach in agallamh leis an Irish Daily Mail an tseachtain seo caite, dúirt an teaghlach, le torthaí tosaigh iarbháis a fuarthas amach, go bhfuair sé bás de bharr cliseadh cairdiach scamhógach géarmhíochaine (acute pulmonary cardiac failure).
Bailíodh €47,782 le tiomsaitheoir airgid a cuireadh ar bun chun taisí Robby a thabhairt abhaile.
I nuashonrú tiomsaithe airgid, tháinig sé chun solais gur cuireadh ar ais go hÉirinn é Dé Luain.
‘Tá Robby tagtha abhaile go hÉirinn inniu,’ a dúirt an nuashonrú.
‘Tá a mhuintir an-bhuíoch as bhur dtacaíocht le linn an ama thar a bheith deacair seo.
‘Agus muid ag druidim le tráthanna deiridh an turais seo, ba mhaith linn a chur in iúl go ndúnfaidh an tiomsaitheoir airgid go hoifigiúil Déardaoin, 23 Eanáir.
‘Ba mhór an chabhair don teaghlach í bhur bhflaithiúlacht, agus táimid fíorbhuíoch as bhur dtacaíocht.’
Beidh créamadh (cremation) Robby ar siúl Déardaoin.
Is é seo a dúirt a fhógra báis: ‘Paidreacha sochraide i Séipéal Réalt na Mara, Coillte, Dé Céadaoin 22 Eanáir ag 4.30 agus ag dur ar aghaidh go dtí a seacht a chlog.
‘Créamadh i gCréamatóiriam na Sionainne ar an Déardaoin 23 Eanáir ag a 3 a chlog.’
Dúirt máthair Robby, Tracy King, gurbh í ‘pearsantacht a mic an tallann is mó a bhí aige’.
Ba bhreá le Robby a bheith ag obair le daoine agus ‘shíolraigh’ a chineáltas.
‘Saoir-tumadóir agus maighistir-tumadóir a bhí ann,’ ar sise.
‘Chuaigh sé ann ar 20 Samhain anuraidh. Fuair sé dhá cháilíocht san am a bhí sé ann.
‘Bhí a bhás gan choinne. Bhí sé in áit an-mhaith mheabhrach. Ba leanbh uisce (water baby) é ó thosaigh sé nuair a bhí sé 12 agus chaith sé go leor ama thall sa Leacht (Lahinch) agus ar ais go hInis Mór an samhradh seo caite.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
