Tá cíosanna, ar an meán, níos mó ná 90% de phá bliantúil oibrí ar íosphá (minimum wage) – agus tá siad fós ag ardú.
Tá siad ag ardú sé huaire chomh tapa agus a bhí ceithre bliana ó shin, nuair a chuir Covid-19 an tír faoi ghlas.
Tá meánchostas áit chónaithe sroichte beagnach €2,000 in aghaidh na míosa.
Dúirt an Daonlathach Sóisialach Cian O’Callaghan gurb é an meánchíos don bhliain, is é sin €23,460, ná 91% de thuarastal oibrí íosphá.
Bhí méadú 7.2% ar an tréimhse chéanna anuraidh. Bhí méadú 1.2% le linn aimsir Covid i 2020.
Ar an iomlán, tá cíosanna 43% níos airde ná mar a bhí siad roimh an bpaindéim, tá sé sin léirithe ag an tuarascáil Daft.ie is déanaí do mhí Iúil, Lúnasa agus Meán Fómhair.
Bhí an méadú is mó i gCathair Luimnigh, áit a raibh an meánchíos €350 níos airde in aghaidh na míosa, go dtí €2,221.
Is é sin níos mó ná 19% agus is é an dara háit is daoire é, i ndiaidh Bhaile Átha Cliath áit a bhfuil an meánchíos €2,476 in aghaidh na míosa.
Tá an t-ardú ar chostas cíosa i Luimneach beagnach dhá oiread na harduithe i nGaillimh, a bhí 10.5%, agus Corcaigh a bhí 10.4%.
Dúirt Willie O’Dea, iarrthóir toghcháin Luimnigh d’Fhianna Fáil: ‘Tháinig mé ar chásanna ina bhfuil na cíosanna atá á ngearradh ag teorainn le cúrsaí coiriúla.
‘Creidim gur cheart teorainn chíosa a bheith ann mar go bhfuil go leor de na daoine seo atá ag dul gan dídean á ndíshealbhú ó thionóntachtaí príobháideacha.’
I mBaile Átha Cliath, bhí cíosanna 5.2% níos airde ná bliain roimhe sin.
Is é meánchíos an mhargaidh oscailte sa Stát anois ná €1,955 in aghaidh na míosa.
I gcathair Phort Láirge (Waterford) mhéadaigh an meánchíos 5.8% ar an mbliain roimhe sin, agus lasmuigh de na cathracha, tháinig méadú 8.3% ar chíosanna.
Chomh maith leis sin, tá laghdú 45% tagtha ar líon na n-áiteanna atá ar fáil ar chíosanna ar an margadh oscailte ón am roimh phaindéim Covid.
Ag tús mhí na Samhna ní raibh ach 2,400 teach ar cíos, laghdú 14% ar bhliain ó shin, agus i bhfad faoi bhun an mheáin de 4,400 idir 2015 agus 2019.
Dúirt an Daonlathach Sóisialach Cian O’Callaghan gurb é an meánchíos don bhliain, is é sin €23,460, ná 91% de thuarastal oibrí íosphá.
‘Táthar ag súil go n-oibreoidh cíosaí chun an chuid is mó dá dtuarastal a thabhairt ar láimh dá tiarna talún, má tá an t-ádh leo áit chónaithe a fháil,’ a dúirt sé.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
