Fuarthas iar-réalta rugbaí na hÉireann Brendan Mullin ciontach as €500,000 a ghoid ó bhanc príobháideach de chuid Bhanc na hÉireann, nuair a bhí sé ina stiúrthóir bainistíochta air, deich mbliana ó shin.
Dúirt an giúiré go raibh sé ciontach i 12 de na 14 chúiseamh ina choinne sa chúirt Dé Máirt, tar éis beagnach seacht n-uaire an chloig de phlé.
Ní raibh mothúchán le feiceáil ar Mullin nuair a léadh amach cinneadh an giúiré.
Cúisíodh an iarimreoir rugby , atá 61 bliain d’aois, sa Chúirt Chuarda Choiriúil i mBaile Átha Cliath, as naoi gcúiseamh as níos mó ná €570,000 a ghoid ón mbanc idir 2011 agus 2013.
Bhí cúig chúiseamh cuntasaíochta bréagach ina aghaidh freisin. Shéan sé gach cúiseamh ina choinne.
D’ordaigh breitheamh na trialach don ghiúiré fíorasc (verdict) neamhchiontach a thabhairt isteach faoi líomhain cealgaireacht (deception), ag líomhain gur spreag Mullin beirt oibrí bainc chun litir údaraithe íocaíochta a shíniú.
Éisteadh sa chás, a mhair trí seachtaine, go ndearnadh líomhaintí go raibh Mullin, as Bóthar Stigh Lorgan, Domhnach Broc, Baile Átha Cliath 4, ag gníomhú go mímhacánta nuair a shocraigh sé go n-íocfadh an banc príobháideach suimeanna airgid le haturnaetha McCann Fitzgerald, cuntasóirí Beechwood agus Grant Thornton as obair a rinneadh dó go pearsanta nó dá ghnólacht Quantum Investment Strategies.
Dúirt an t-ionchúiseamh freisin gur ghoid Mullin €500,000 ó Bhanc na hÉireann le linn cliseadh cumarsáide i measc codanna éagsúla den ghrúpa baincéireachta, agus gur aistríodh an t-airgead i ndeireadh na dála chuig comhlacht ar a dtugtar Spice Holdings, a bhí cláraithe sna British Virgin Islands.
Chuala an chúirt gur cliant é Spice Holdings a thug an tUasal Mullin isteach sa bhanc.
Thug an giúiré fíoraisc neamhchiontach ar dhá chúiseamh a bhain le Beechwood Partners.
Bhain siad seo le goid líomhnaithe €6,150 ón mbanc príobháideach as obair a rinne an chuideachta seo don Uasal Mullin agus muirear cuntasaíochta bréagach a bhain leis an gcéanna.
Ghabh an Breitheamh Martin Nolan buíochas leis an ngiúiré as a dhianobair.
D’athchuir sé an iarimreoir rugby ar bhannaí leanúnacha de thuras na huaire.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
