Cuireadh moill ar ‘bike shed’ an Oireachtais mar gheall ar imní faoi dhraenacha stairiúla, plocóidí leictreacha, páirceáil do Theachtaí Dála agus fiú toghchán an Taoisigh, de réir doiciméad.
Agus cháin an Ceann Comhairle an togra €336,000 go láidir, nuair a d’fhill an Dáil an tseachtain seo.
Chuir Seán Ó Fearghaíl síos ar an dráma faoin ‘bike shed’ mar ábhar náire as cuimse agus dúirt sé go bhfuil fearg ar an bpobal gan amhras.
Tá iarrtha aige ar Chathaoirleach Oifig na nOibreacha Poiblí freastal ar an gcéad chruinniú eile de Choimisiún an Oireachtais chun ceisteanna a fhreagairt faoin gcostas.
Tá an tUasal Ó Fearghaíl ag iarraidh a fháil amach cén fáth nár cuireadh tástáil luach ar airgead a bhí á chaitheamh.
Dúirt sé go bhfuil an costas ag cur isteach ar dhaoine atá ag streachailt lena gcuid billí a íoc.
Léiríonn na doiciméid go raibh moill arís agus arís eile ar an dáta críochnaithe don ‘bike shed’.
Cuireadh coinníollacha dochta i bhfeidhm maidir le cathain a d’fhéadfaí obair a dhéanamh ar an ‘bike shed, chun smionagar a sheachaint ag dul isteach i ndraenacha stairiúla.
Léiríonn nótaí do chruinniú idir Oifig na nOibreacha Poiblí (OPW) agus an tOireachtas mí Mheán Fómhair seo caite nach bhféadfaí obair a dhéanamh ach amháin nuair nach raibh tithe an Oireachtais ina suí.
Dúradh i nótaí an chruinnithe: ‘Beidh dáta críochnaithe thart ar an 14 Eanáir.’
Mar sin féin, níor tharla sé sin riamh mar gheall ar an moill.
Nuair a tháinig Eanáir, ní raibh an ‘bike shed’ críochnaithe agus léirigh miontuairiscí an chruinnithe dáta críochnaithe nua don dara seachtain de Mhárta.
Mar sin féin, faoi mhí Feabhra bhí moill ar an dul chun cinn arís, an uair seo go dtí deireadh mhí an Mhárta.
Léiríonn na doiciméid imní faoin gcaillteanas sealadach spásanna páirceála do Theachtaí Dála agus do Sheanadóirí mar gheall ar an ‘bike shed’ a bheith á thógáil.
Dúradh i ríomhphost idir oifigigh ó mhí Mheán Fómhair seo caite: ‘[iarradh orainn] a chinntiú go mbainfear an clárlach ((hoarding) timpeall ar an bpáirceáil rothair atá beartaithe sula n-atosóidh na suíonna.
‘Tá tuairim is deich spás páirceála caillte againn mar gheall ar an gclárlach (hoarding) agus ní féidir an caillteanas sin a ghlacadh nuair a fhilleann na baill.’
Léiríonn ríomhphost eile go raibh pointí luchtaithe do rothair leictreacha sa ‘bike shed’ sna bunphleananna. Mar sin féin, thit sé sin as mar gheall ar ‘riosca suntasach dóiteáin’.
Ag deireadh mhí Feabhra, d’admhaigh ríomhphost: ‘Níor chuireamar san áireamh an spás a theastaíonn chun struchtúr an fhoscaidh rothair a ardú.’
Bhí moill fiú mar gheall ar thoghadh Simon Harris mar Thaoiseach.
Dúradh i ríomhphost idir na hoifigigh: ‘Is é Dé Máirt an 9ú lá toghchán an Taoisigh agus mar sin b’fhéidir nach gciallódh rochtain ar oibreacha ar Dé Luain 8ú.’
Dúirt urlabhraí Oireachtais: ‘Ní raibh aon ról ag Coimisiún Thithe an Oireachtais maidir le caiteachas caipitiúil a cheadú don fhoscadh rothair… Níor íocadh an costas as buiséad an Choimisiúin.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
