‘Is cuid mhór de mo shaol í anois,’ a deir James Nesbitt agus é ina athair ar chailín óg a pháirtí, agus é beagnach 60 bliain d’aois

Ghlac an t-aisteoir Nesbitt sos ón aisteoireacht tar éis dó foghlaim faoin áthas a bhaineann le bheith ina athair ag aois níos sine

Tá James Nesbitt tar éis glacadh le socrú teaghlaigh nua-aimseartha agus tá sé ag comhthuismitheoireacht (co-parenting) iníon atá dhá bhliain d’aois.

Tá an t-aisteoir, a bheidh 60 bliain d’aois an bhliain seo chugainn, i gcaidreamh le Katy Gleadhill, a raibh a hiníon, Fiadh, aige le fear eile.

Tharla sé sin le linn sos a bhí aici ón gcaidreamh a bhí aici le Nesbitt, sos a mhair dhá bhliain.

Bhí Katy ag iarraidh teaghlach a thosú sular shroich sí 40 bliain d’aois, agus mar sin bhí sí faoi bhrú ama.

Bhí tuiscint ag Nesbitt ar an gcás agus tá sé tar éis tosú ag tabhairt tacaíochta do Fiadh agus Katy ó shin.

Agus tá sé ag cabhrú le Katy anois aire a thabhairt don iníon a bhí aici le linn a scaradh.

Labhair sé faoina bheith ina nua, in agallamh le déanaí leis an Irish Independent.

Mhínigh Nesbitt go raibh Fiadh ar cheann de na cúiseanna a ghlac sé sos ón aisteoireacht.

Dúirt sé: ‘Tá cailín atá dhá bhliain d’aois i mo shaol anois agus is comhthuismitheoir mé agus theastaigh uaim am a chaitheamh léi.

‘Tá mé ag déanamh comhthuismitheoireacht ar Fiadh agus tá sí go hiontach i ndáiríre.

‘Ní raibh mé ag súil go dtarlódh sé sin ag m’aois, ach is cuid mhór de mo shaol anois í,’ a dúirt Nesbitt.

Dúirt sé gur údar misnigh é bheith timpeall ar leanbh óg arís agus gur ‘phribhléid agus freagracht ollmhór’ atá ann leanbh a thógáil.

Tháinig Nesbitt agus Glaidhill ar ais le chéile anuraidh, tar éis briseadh dhá bhliain óna gcaidreamh.

Scoilt an lánúin I 2021 tar éis dóibh a bheith nasctha le chéile ó 2015 ach tá rudaí ar an mbóthar arís lena gcaidreamh anois.

Tá beirt iníon ag Nesbitt, a bhí ina réalta i Bloodlands, óna phósadh roimhe seo le Sonia Forbes-Adams.

Is daoine fásta iad féin anois. Tá Peigí 27 bliain d’aois agus tá Mary 23.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil