Tá sé ráite ag cairde Amy Winehouse go bhfuil scannán nua faoi shaol an amhránaí tar éis a iar-fhear céile fiáin a iompú ina ‘Phrionsa Disney’.
Is é Marisa Abela atá i Back To Black i ról Amy agus tá Jack O’Connell mar a páirtí Blake Fielder-Civil.
Seoladh é le geallúint go ndéanfaí ceiliúradh ar shaol agus ar cheol Amy.
Ach bhí iontas ar roinnt lucht féachana faoin easpa cáineadh ar Blake, atá 41 bliain d’aois.
D’admhaigh Blake gur thug sé hearóin do Amy ar dtús. Fuair sí bás de nimhiú alcóil ag 27 bliain d’aois i 2011.
Léirítear Blake mar leaid ó Londain atá ‘impish’ agus ‘cheeky’.
Dúirt cara le Amy: ‘Tá sé níos cosúla le banphrionsa Disney agus a prionsa, a bhfuil grá acu dá chéile.
‘Tá Blake mar rógaire, seachas mar andúileach drugaí atá briste go críochnúil, a tharraing Amy isteach i saol mímhoráltacht (depravity).
‘Bhí sé freagrach as an oiread sin dá trioblóidí, ach cuireann an scannán seo cuma air mar laoch a spreag a cheol iontach.
‘Tá sé an-trína chéile dóibh siúd a bhfuil an fhírinne ar eolas acu.
‘Ba cheart go mbeadh sé freagrach as na rudaí sin i ndáiríre.’
Dúirt cara eile: ‘Breathnaíonn Amy go hálainn agus soineanta (innocent), agus tagann a ceol agus a tallann trasna go hálainn, ach tá sé mícheart ligean do Blake éirí as.’
Dúirt an stiúrthóir Sam Taylor-Johnson: ‘Bhí orainn a thuiscint cén fáth ar thit Amy i ngrá leis, agus mar sin ní raibh sé i gceist againn bithiúnach (villain) a dhéanamh.
‘Bhí orainn titim i ngrá leis chun a thuiscint cén fáth ar scríobh sí ceann de na halbaim is mó faoina ngrá. Níorbh áit domsa breithiúnas a thabhairt ar dhuine a bhí ina andúileach.’
Bhuail Amy le Blake sa bhliain 2005 agus phós siad go rúnda i Miami i 2007. Bhí caidreamh corraitheach (tumultuous) acu, áfach, agus i 2008 cuireadh i bpríosún é as ionsaí a dhéanamh ar thiarna talún tábhairne.
Bliain ina dhiaidh sin chuir an bheirt deireadh lena bpósadh.
I 2013, d’admhaigh Blake gur iarr Amy air triail a bhaint as hearóin agus é aige.
Dúirt sé: ‘B’fhéidir go raibh an cur in éadan a rinne mé rólag. Is é an fhírinne ná, pé rud a dúirt mé, bhí sé aici ag deireadh.
‘Ar ndóigh tá aiféala orm, ní hamháin mar gheall ar an damáiste a rinne sé do Amy agus an cailleadh saoil, ach an damáiste dá teaghlach, ach freisin do mo theaghlach agus domsa.’
Dúirt Blake go bhfuil aiféala air faoi ‘beagnach gach rud’ a rinne sé le linn a gcaidrimh agus dúirt sé go mbíonn brón aige faoi sin gach lá.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
