Scóráil captaen Liverpool Virgil van Dijk an cúl lena cheann i gcomórtas Corn Carabao, agus fuair sé an cúl sin an-déanach in am breise.
Sin mar a bhuaigh foireann an-óg Jurgen Klopp ar Chelsea, 1-0, chun Corn Carabao a éileamh den 10ú huaier.
Scóráil Van Dike cúl níos luaithe, chomh maith lena cheann, ach chuir VAR é sin as an áireamh.
Bhain Van Dike, a imríonn peil idirnáisiúnta don Ollainn (Holland), a chéad chorn mar chaptaen Liverpool Dé Domhnaigh.
Agus bhí sé tuillte aige féin agus ag a fhoireann tar éis chluiche iontach cosanta, go háirithe ag an gcúl báire Caoimhín.
Ina dhiaidh sin, mhol Van Dijk Caoimhín, ag rá: ‘Is dócha go bhfuil mé ar dhuine dá lucht leanúna is mó, dúirt mé i gcónaí go bhfuil sé den chéad scoth agus bhí sé mar sin arís inniu.
‘Is iontach an rud é a fheiceáil, is cúl báire maith é agus sin a theastaíonn uainn i gclub mar Liverpool.’
Bhí Klopp ar an tríú bainisteoir i Liverpool a bhuaigh Corn Carabao níos mó ná uair amháin agus é ag fágáil ag deireadh an tséasúir.
Mar sin féin, níl aon trófaithe buaite ag Mauricio Pochettino, bainisteoir Chelsea, arb as an Airgintín dó, i bpeil Shasana.
Rud a bhí iontach faoin Liverpool ná cé chomh hóg agus a bhí na himreoirí a chríochnaigh an cluiche. Bhí 11 imreoir den chéad fhoireann in easnamh, lena n-áirítear Mohamed Salah, Darwin Nunez agus Dominik Szobozslai, agus bhí ar Ryan Gravenberch éirí as le gortú sa chéad leath.
Bhí seisear imreoir ar an mbinse ag Liverpool a bhí faoi 21 bliain d’aois – agus níl Trey Nyoni ach 16 – agus bhí triúr acu ar an bpáirc sular thosaigh an t-am breise.
I gcodarsnacht leis sin bhí go leor imreoirí aitheanta ag Chelsea, a chaith billiún punt steirling ar imreoirí le déanaí.
Ba é Trevoh Chalobah, a bhí ar an mbinse ar dtús, an t-aon imreoir a bhí acu a bhí sa chluiche ceannais i gcoinne Liverpool in 2022 freisin.
De réir mar a lean an cluiche ar aghaidh, bhí an chuma ar imreoirí Liverpool mar fhoireann shóisearach.
Chuir Pochettino Christopher Nkunku, Mudryk agus Noni Madueke, a ceannaíodh ar £171 milliún le Chéile iad, ar a pháirc.
Mar sin féin murach Caoimíin Kelleher agus a chuid scileanna bheadh an cluiche buaite ag Chelsea.
Cé go raibh an t-ádh ar Chelsea nuair a chuir VAR cúl luath Van Dijk as an áireamh.
Rinne Gallagher a dhícheall do Chelsea ach bhuail sé an cuaille nó stop Caoimhín lena chiceanna.
Bhí sábháil iontach ag Caoimhín freisin sa 20ú nóiméad nuair a chiceáil Cole Palmer an liathróid sé slat ón gcúil.
D’imir Éireannach eile Conor Bradley go maith freisin, ag bogadh go dtí áit tosaigh níos déanaí sa chluiche.
Nuair a chuir Klopp isteach na déagóirí James McConnell agus Jayden Danns beagnach fuair Liverpool cúl ó Danns ach chuir cúl báire Chelsea thar an mbarra é.
Mar sin féin, ní fhéadfadh aon rud stop a chur le hiarracht chumhachtach van Dike lena cheann, agus sin an t-aon chúlsa chluiche.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
