Shíl búistéir as Co na Gaillimhe go raibh sé ar mhuin na muice nuair a shiúil Conan O’Brien isteach ina shiopa.
Tá Conan, an láithreoir agus an fear grinn Meiriceánach ag taisteal timpeall na hÉireann do chlár teilifíse nua – agus tá stair a mhuintire á rianú aige freisin.
Bhí Loughnane’s Butchers ar liosta turas Conan, agus é ag scannánú a shraith taistil idirnáisiúnta is déanaí, Conan O’Brien Must Go.
Tá cáil ar ghnó Loughnane’s Butchers, i mBaile Locha Riach (Loughrea), a théann siar ceithre ghlúin go 1934, as a chuid ispíní (sausages).
I bpostáil ar na meáin shóisialta ar an gCéadaoin, scríobh John Loughnane: ‘Bhí lúcháir orainn fáilte a chur roimh an laoch grinn Conan O’Brien agus a chriú chuig siopa búistéara Loughnane aréir.’
Thug Conan, a bhí ina óstach ar thrí chlár teilifíse ó SAM ó 1993 i leith, lena n-áirítear Late Night agus an Tonight Show, cuairt ar shráidbhaile arb as a shin-seanathair freisin.
Bhuail sé le Jim Fitzgerald, fear áitiúil i sráidbhaile na Gallbhaile (Galbally), Co. Luimnigh, a thaispeáin dó cá raibh cónaí ar a shin-seanathair sula ndeachaigh sé ar imirce go déanach sna 1870idí.
‘Seo an áit a raibh cónaí ar mo shin-seanathair Thomas O’Brien agus d’fhág sé an píosa talún seo, tháinig go Meiriceá, bhog sé go Massachusetts láir,’ a dúirt Conan.
‘Agus is “disaster” é an chuid eile den scéal. Ach mar sin féin, is maith an rud é a bheith ar ais.’
Bhí Conan ag taisteal thart i dTiobraid Árann an tseachtain seo, chomh maith le Gaillimh agus Baile Átha Cliath.
I sraith ar X (Twitter), roinn Conan grianghraf de féin i mBaile Átha Cliath, in aice le Duga na Canálach Móire (Grand Canal Dock), ag magadh go raibh sé ainmnithe mar ‘Next Top Model’ na hÉireann.
Chuir CLG Moneygall in iúl go raibh sé in Obama Plaza áit ar bhronn Pat McDonagh, úinéir Supermac’s geansaí air.
Chuir Conan póstáil eile ar X agus é i gCaiseal, Co. Thiobraid Árann (Cashel, Co. Tipperary) é, áit a ndearna sé ‘taighde’ ar a oidhreacht.
Leanfaidh an tsraith ceithre chlár, atá le craoladh ar an teilifís níos déanaí i mbliana, Conan agus é ag bualadh le daoine ar labhair sé leo cheana trí ghlaonna físe ina shraith podchraoltaí Conan O’Brien Needs a Fan.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
