Ní maith le gach duine cóisir a bheith acu ar Oíche Chinn Bhliana. Mar sin má mhothaíonn tú gur mhaith leat fanacht ar an tolg at breathnú ar Netflix in áit ag ól Champagne i mbliana, seo iad na scannáin is fearr chun an Bhliain Nua a cheiliúradh.
Ceann Don Teaghlach – Paddington 2
Tá Paddington 2 ar cheann de na scannáin is fearr san 21ú haois. Tá sé chomh simplí leis sin. Is é an béar leis an hata dearg agus an cóta gorm an t-aon ‘embodiment’ de cineáltas a theastaíonn uainn go léir an geimhreadh seo.
Buaicphointe láidir an scannáin is é, Brendan Gleeson, agus tá ról iontach ag Hugh Grant mar an ‘baddie’.
Ceann Le Gáire – The Wolf Of Wall Street
Ar cheart duit a bheith ag gáire faoi scannán coireachta Martin Scorsese? Cinnte níor cheart. Mar sin féin, ní féidir a shéanadh cé chomh greannmhar is atá an léargas seo ar ardú agus titim an stocbhróicéara Jordan Belfort.
Le níos mó focail maslacha ná aon scannán eile agus an-chuid de eachtraí ‘raunchy’, coinnigh na páistí i bhfad ón gceann seo.
Ceann le haghaidh caoineadh – Eternal Sunshine of the Spotless Mind
Seachas gáirí a dhéanamh linn mar is gnách, tá Jim Carrey thar cionn sa rómánsaíocht bhrúidiúil seo le Kate Winslet. Tar éis dóibh a gcuimhní cinn a scriosadh go cliniciúil, troideann lánúin amháin chun cuimhneamh ar a stair chasta.
Tá an scannán ardchoincheap seo chomh brónach agus a thagann siad. Uaireanta caithfidh tú glacadh leis, b’fhéidir, nár cheart don mbeirt a bheith le chéile.
Ceann le haghaidh scanradh – Scream
Agus an séú scannán ‘Scream’ ag teacht an Mhárta seo chugainn, tá sé in am dul ar ais go dtí an áit ar thosaigh siad ar fad. D’athraigh cruthú Wes Craven an cluiche le haghaidh greann uafáis, rud a chruthaigh go bhféadfadh an oiread gáirí agus fuil a bheith sa seánra.
Má tá tú i do fichidí is dócha gurb é seo an ‘franchise’ uafáis is fearr leat, agus le cúis mhaith. Tá Scream lán de charachtair, agus le mistéir a choinneoidh tú ag déanamh buille faoi thuairim.
Is athair é Hugh Jackman a thógann rudaí isteach ina lámha féin tar éis dá iníon agus a cara dul ar iarraidh ar ‘Thanksgiving’. An bhfaighidh sé an fhírinne nó an gcuirfidh sé a shaol féin i gcontúirt.
Tá sárléiriú ag an scéinséir dorcha seo ó Jake Gyllenhaal mar bleachtaire atá ag streachailt lena dheamhain féin. Ceann de na scannáin is fearr de na 2010í.
An rogha is fearr – Glass Onion: A Knives Out Mystery
Tá Daniel Craig ar ais mar Benoit Blanc, le mistéir atá níos casta agus níos greannmhaire ná a chéad uair sa ról i Knives Out, in 2019. Tugann an billiúnaí Tech Miles Bron cuireadh dá chairde le haghaidh éalaithe ar a oileán príobháideach Gréagach. Nuair a fhaigheann duine marbh, cuirtear an Bleachtaire Benoit Blanc ar an gcás.
Leis an oiread sin réalta, Edward Norton, Janelle Monáe, Kathryn Hahn, Leslie Odom Jr, Jessica Henwick, Madelyn Cline, Kate Hudson, agus Dave Bautista, is dóichí go raibh Glass Onion ar cheann de na scannáin is mó faire ar domhan le linn tréimhse na Nollag. Déantar saol mealltach an tsaibhir a iniúchadh arís, ar bhealach a chuirfeadh úinéir áirithe meán sóisialta i gcuimhne duit.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
