Vera Pauw an-feargach faoi na líomhaintí ‘weight-shaming’ agus tacaíonn an FAI léi

Tá Vera Pauw dúshlánach  agus í ag rá go bhfuil sí ‘an-feargach’ faoi na líomhaintí ‘weight-shaming’ a rinneadh fúithi nuair a bhí sí ina cóitseálaí ag club SAM Houston Dash

Labhair cóitseálaí rathúil na hÉireann go poiblí don chéad uair, ó ainmníodh í, i dtuairisc 128 leathanach, ar mhí-iompar cóitseála i Sraith Náisiúnta Sacair na mBan (National Women’s Soccer League, NWSL) sa Stáit Aontaithe.

Tá meas ar Pauw mar gheall ar na buanna stairiúla ag foireann na hÉireann, i mí Dheireadh Fómhair, nuair a cháiligh mná na hÉireann do Chorn Domhanda na mBan don céad uair riamh.

Cuireadh ina leith sa tuairisc go raibh sí “ag déanamh náire ar mheáchan” (weight-shaming) imreoir amháin agus go raibh smacht comhéigneach aici ar nósanna itheacháin na n-imreoirí.

Mar chosaint láidir, ag ceanncheathrú an FAI, áfach, dhiúltaigh Ms Pauw na líomhaintí sin agus dhiúltaigh sí freisin don maíomh nár chomhoibrigh sí leis na himscrúdaitheoirí, a bhí ag cur  ceisteanna faoi liomhaintí drochíde san NWSL. Dúirt sí gur diúltaíodh iarratas di an t-agallamh a thaifeadadh.

Dúirt sí, ‘Má tá taithí agat ar mhí-úsáid cumhachta le 30 bliain anuas, agus ansin tá tú cúisithe tú féin as rud éigin atá go hiomlán contrártha leis an mbealach a chaith mé le himreoirí ar feadh mo shaoil, cuireann tú ceist ort féin ar dtús, as cén áit ar tháinig sé seo? Cén chaoi a bhfuil sé seo indéanta go dtarlaíonn sé domsa?

‘Agus ansin tosaíonn tú ag éirí an-feargach.’

Thug an FAI lántacaíocht do Vera Pauw agus labhair sí leis an bpríomhfheidhmeannach Jonathan Hill go hiomlán faoi.

Dúirt sí: ‘Bhí beagán díospóireachta ann faoi aghaidh a thabhairt ar an bpreas ach bhí mé ag iarraidh aghaidh a thabhairt ar an bpreas, mar bíonn mé oscailte agus macánta i gcónaí.’

Chuir sí i bhfios go láidir nach raibh a fhios aici ar aon cheann de na cúisimh go dtí gur tháinig siad chun solais go poiblí oíche Dé Céadaoin.

‘Chuir siad rudaí sa tuarascáil seo a raibh cúisithe agam astu agus níor chuir siad ceist orm fiú faoi. Go dtí an nóiméad sin, dhá lá ó shin, ní raibh a fhios agam cad iad na cúisimh a bhí siad chun cuir os mo chomhair.

‘Tá fearg ar leith orm go ndeir siad nár chomhoibrigh mé leo. Is é an rud is gnách nuair a bhíonn tú chun labhairt faoi rud éigin a imreoidh tionchar ar an gcuid eile de do shaol ná é a thaifeadadh, ach dúradh liom nach féidir leat a thaifeadadh, agus bhrúigh siad cnaipe, agus chuir siad deireadh leis an gcaint. Ach níorbh é sin mise ag diúltú comhoibriú.

‘Ba mise an té a mhol “video call” a dhéanamh. Ba mise an té a déarfadh “I wanted you to look me in the face”. Theastaigh uaim a bheith oscailte agus macánta, ionas go bhféadfadh siad aon rud a iarraidh orm. Tá fearg orm, fíor fhearg.’

Dúirt sí go ndéanfadh sí machnamh ar chaingean dlí a ghlacadh, mar a rinne a comharba (successor) ar Houston Dash, James Clarkson. Mar sin féin, níl sí cinnte fiú cén comhlacht a ndéanfadh sí beart ina aghaidh.

‘Táimid ag féachaint an bhfuil gá le caingean dlí. Ach cé a thógfá an cás dlí ina aghaidh? Na himreoirí? Na himscrúdaitheoirí? NWSL? Níl a fhios agam. Toisc gur féidir breathnú ar na rudaí atá scríofa mar thuairimí, fiú más rud é a d’fhéadfadh do shaol a mhilleadh, nó do ghairm bheatha ar a laghad.’