Breis is míle teach sa Ghaeltacht ar Airbnb – agus gan ach deich gcinn ar cíos mar thithe fadtéarmacha

Tá tithe saoire á gceannach ag daoine ón taobh amuigh ach ní féidir le daoine áitiúla cead a fháil chun teach a thógáil

Liostaíodh breis agus míle teach ar Airbnb le haghaidh tréimhsí gearrthéarmacha i gceantair Ghaeltachta an mhí seo caite.

Ag an am céanna ní raibh ach deich gcinn ar fáil ar cíos go fadtéarmach.

Ciallaíonn sé seo go gcaithfidh daoine áitiúla, a bhfuil an Ghaeilge acu, maireachtáil lasmuigh dá bpobail féin, fad is atá áiteanna ann do dhaoine le Gaeilge.

Nochtadh an ghéarchéim oíche Dé Céadaoin ar TG4, ar an tsraith imscrúdaithe cúrsaí reatha, Iniúchadh, a scrúdaíonn an ghéarchéim tithíochta sa Ghaeltacht.

Bhreathnaigh an clár, Níl Aon Tinteán, a chuir an t-iriseoir Kevin Magee i láthair, ar shampla de Airbnbs agus maoine ar cíos a tógadh i seachtain randamach an mhí seo caite.

Fuarthas amach go raibh 1,017 teach liostaithe ar Airbnb ar chíos gearrthéarmach i gceantair Ghaeltachta.

An tseachtain chéanna, ní raibh ach deich dteach ar fáil ar cíos fadtéarmach liostaithe ar an suíomh Gréasáin cíosa Daft.ie.

I gceantair Ghaeltachta Chiarraí bhí an líon is airde cíosanna gearrthéarmacha ar fáil le 543, agus ní raibh  aon teach liostaithe ar Daft.ie ar cíos fadtéarmach.

 I nGaeltacht Dhún na nGall bhí 225 teach liostaithe ar Airbnb agus ní raibh ach trí theach le feiceáil ar Daft.ie ar fáil ar cíos fadtéarmach.

Bhí 221 Airbnbs ar fáil i nGaeltacht Chonamara agus ceithre theach ar cíos fadtéarmach.

Bhí deich ar Airbnb ag Múscraí i gCorcaigh, ach ní raibh aon cheann ar cíos fadtéarmach liostaithe ar Daft.ie.

Bhí 15 liosta de chuid Airbnb sa Rinn, i gCo. Phort Láirge, agus dhá theach ar fáil ar cíos fadtéarmach ar Daft.ie.

Dúirt Donncha Ó hÉallaithe, gníomhaí atá lonnaithe i gConamara, go bhfuil iachall ar dhaoine atá ag iarraidh teaghlaigh a thógáil sa Ghaeltacht bogadh as, mar go bhfuil daoine ón taobh amuigh ag ceannach tithe eile agus iad á liostáil ar Airbnb.

Dúirt sé: ‘Tá fadhbanna ann nuair a thagann tithe ar an margadh anseo, mar is margadh oscailte é.

‘Toisc go bhfuil fadhb thithíochta ar fud na tíre, tá daoine ag teacht ó áiteanna eile agus ag ceannach na dtithe seo mar dhara teach nó mar theach saoire nó mar theach le dul ar scor ann.’

Tá srianta pleanála ag cur leis an bhfadhb freisin.

Labhair Máire Eibhlín Ní Chlochartaigh, as Gaeltacht Chonamara, i nGaillimh, ó dhúchas, faoin gcaoi ar theastaigh uaithi cur fúthu ann.

Tá an ceantar á chur chun cinn ag gníomhaireacht forbartha an Rialtais, Údarás na Gaeltachta, mar cheann de na háiteanna is fearr chun cónaí agus oibriú ann.

Diúltaíodh cead, áfach, do Ní Chlochartaigh teach a thógáil ar thalamh teaghlaigh agus bhí uirthi bogadh ón nGaeltacht.

‘Diúltaíodh dár n-iarratas pleanála toisc go ndúradh linn nach raibh an suíomh oiriúnach, dúradh linn freisin go gcuirfeadh teach ar an suíomh isteach ar an tírdhreach áitiúil. Bhris sé mo chroí go mór,’ a dúirt sí.

‘Chaill mé deora, bhí mo chroí briste. Tá sé brónach. Bhí súil agam go mbeadh páistí agam anseo lá amháin agus go dtabharfaimis na deiseanna céanna dóibh is a bhí agam.

‘Rinneamar an cinneadh anuraidh éirí as. Chonaiceamar suíomh i gcontae eile, agus táimid chun é a cheannach ina ionad.’

Léiríonn taighde a rinne an Dr Seán Ó Muineacháin d’Údarás na Gaeltachta gur tithe saoire iad beagnach an cúigiú cuid de thithe sa Ghaeltacht.

Tá an figiúr níos airde ná 20% i go leor ceantar Gaeltachta.

Tá 45% de thithe i nGaeltacht Chiarraí Theas rangaithe mar thithe saoire.

I nGaeltacht thuaisceart Dhún na nGall, tá sé 42% agus i nGaeltacht iarthar Mhaigh Eo, is tithe saoire 34%.

I gConamara Láir tá an figiúr 19% agus sna Déise 12%.

I gCeantar na nOileán agus ar an gCeathrú Rua i nGaeltacht Chonamara, is tithe saoire iad 10% de na tithe, dar leis an anailís a rinne sé.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil