An cuma leat faoi Pharlaimint na hEorpa? Féach ar an bhfíseán seo agus déan cinneadh ansin

16/05/2024

Tá a chuid lochtanna ag an Aontas Eorpach ach do na daoine san fhíseán seo is áit dóchais agus síochána é nár shamhlaigh siad a d’fhéadfadh a bheith indéanta

An dóigh leat nach bhfuil tábhacht ar bith ag baint le Parlaimint na hEorpa – mar sin cén fáth fiú an iarracht vótáil a dhéanamh ar an Aoine 7 Meitheamh?

Nó b’fhéidir gur mhaith leat vótáil chun an cic sa tóin a thabhairt do pháirtithe an Rialtais ‘atá tuillte acu’ – nó b’fhéidir gur mhaith leat an tacaíocht a theastaíonn uathu a thabhairt dóibh?

Bhuel, do na milliúin daoine, is míorúilt é an tAontas Eorpach a shíl siad nach bhféadfadh teacht chun cinn go deo.

Féach ar an bhfíseán gearr seo agus seans go n-athróidh tú d’intinn faoin Aontas Eorpach.

vote eu1

FÉACH AR AN FÍSEÁN ANSEO

Ní raibh an tAontas Eorpach agus Parlaimint na hEorpa, atá againn inniu, ann i gcónaí.

Cruthaíodh é mar gheall ar mhisneach agus diongbháilteacht go leor ceannairí a chreid go bhféadfaidís todhchaí níos fearr a bhaint amach.

I ndáiríre, is scéal uafásach cruálachta í stair na hEorpa. Rinne na náisiúin is cumhachtaí ar domhan, náisiúin Eorpacha den chuid is mó, ionradh ar thíortha níos leochailí ar fud an domhain.

Mharaigh a n-arm daoine eile gan aird, rinne siad éigniú, robáil agus scrios siad cultúir agus féinmhuinín daoine eile.

D’iompaigh na tíortha cumhachtacha céanna, Eorpacha den chuid is mó, ar a chéile freisin i gcogaí brúidiúla, barbaracha ina fuair na daoine is leochailí óna dtíortha féin bás i gcathanna fíochmhara.

Sin í ár stair – ach is é an rud atá léirithe ag an Aontas Eorpach ná gur féidir cosc a chur ar an stair ár dtodhchaí a chinneadh.

vOTAL EU

Shocraigh ceannairí, fealsúnaí agus gnáthdhaoine fadradharcacha saol níos fearr a chruthú dóibh féin agus dá muintir.

Shocraigh siad gurb iad féin a d’fhéadfadh cinneadh a dhéanamh faoin todhchaí.

Agus sin mar atá sé fós.

Tá a chuid lochtanna ag an Aontas Eorpach. An bhfuil eagraíocht ann nach bhfuil lochtanna uirthi? Ach tá an chumhacht ag gach duine againn páirt a ghlacadh agus iarracht a dhéanamh chun fáil réidh leis na lochtanna sin.

Is fúinn féin é ár dtodhchaí a roghnú. Níl le déanamh againn ach an rogha sin a dhéanamh i gciúinas an stáisiúin vótaíochta.

Is é an teachtaireacht don toghchán Eorpach seo ná: ‘Úsáid do vóta. Nó déanfaidh daoine eile na cinntí duit’. Tá sé chomh simplí sin.

Níl deireadh an bhóthair sroichte againn. Agus tá aistear níos faide ag cuid againn ná daoine eile.

vote eu 2

FÉACH AR AN FÍSEÁN ANSEO

Nuair a bhí Éire in áit an-dorcha, bhí an tAontas Eorpach ann chun tacú go foighneach linn. Agus tá sé fós ann dúinn.

Agus táimid ann chun cabhrú leo siúd a dteastaíonn ár gcabhair uathu anois.

Tá polaiteoirí na hÉireann ag cabhrú chun an tAontas Eorpach a threorú chun cinntí atruacha a dhéanamh chun cabhrú le daoine leochaileacha atá ag fulaingt foréigean uafásach.

Éistear lena nglór toisc go ndéantar cinntí san Aontas Eorpach trí phlé agus trí dhíospóireacht, ní trí chogadh agus trí fhoréigean.

Agus éistfear le do ghuth freisin.

Is féidir linn go léir difríocht a dhéanamh trí vótáil. Mura ndéanaimid é, is daoine eile a dhéanfaidh na cinntí dúinn.

Tá eolas praiticiúil faoi na toghcháin agus faoi chlárú ar fáil anseo elections.europa.eu/ga agus anseo meabhrúcháin vótála.

Is féidir eolas a fháil ar na meáin shóisialta le na na haischlibeanna seo #ÚsáidDoVóta (mar aon leis an leagan Béarla, #UseYourVote), #ToghcháinAE2024, #AE2024.


Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie


Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil

RFailtelogo 1
rnaglogo2 1
TG4logo 2
RnaLlogo 4

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram