Tá cúlra bailé (ballet) ag Bambi Thug, an t-iontrálaí Eoraifíse (Eurovision entrant) as Éirinn, agus rinne siad staidéar ar dhamhsa i gColáiste Stiofáin Naofa i gCorcaigh.
Chuir an t-amhránaí is cumadóir an-iontas ar lucht féachana an Late Late Show lena léiriú – ach bhí Bambi, atá neamh-dhénártha (non-binary) agus a úsáideann na forainmneacha ‘iad’ agus ‘siad’, i gcónaí ag seasamh suas dóibh féin.
D’fhág siad gníomhaireacht tallainne (talent agency) i Londain toisc go raibh siad ag iarraidh uirthu ‘bubblegum pop’ a dhéanamh, agus d’iarr Bambi freisin go gcuirfí cosc ar Iosrael ó Chomórtas Amhrán Eoraifíse (Eurovision Song Contest) mar gheall ar na hionsaithe ar mhuintir na Palaistíne in Gaza.
Dúirt Bambi leis an Irish Examiner: ‘Nuair a bhí rudaí ag dul ar aghaidh leis an Úcráin, ní raibh cead ag an Rúis dul isteach ann, mar sin ní dóigh liom gur cheart go mbeadh riail ann do thír amháin agus riail eile do thír eile.’
Bhuaigh an t-ealaíontóir as Corcaigh an Comórtas Amhrán Náisiúnta (National Song Contest), ar an Late Late Show, oíche Dé hAoine, go héasca, leis an amhrán Doomsday Blue.
Fuair Bambi 32 pointe as an 36 a d’fhéadfadh a bheith faighte acu tar éis na vótaí ó thrí ghrúpa – giúiré náisiúnta, giúiré idirnáisiúnta agus vóta an phobail. Fuair Next In Line, an buachaillbhanda á bhainistiú ag Louis Walsh, agus Ailsha, leis an amhrán ‘Celtic-metal’, Go Tobann, 24 pointe an ceann.
Fuair Erica-Cody, a bhí ag súil an comórtas a bhuachan, 22 pointe, agus ina dhiaidh sin bhí an t-amhránaí hip-hop JYellowL agus an t-ealaíontóir Astrálach-Éireannach Isabella Kearney.
Tá Bambi Thug, atá 30 bliain d’aois, ag scríobh amhráin agus ag canadh i Londain le beagnach deich mbliana anuas, agus tá lucht leanúna suntasach acu sa Bhreatain.
Labhair Bambi leis an Irish Mail on Sunday faoi bheith ag fás aníos i gCorcaigh agus ag bogadh go Londain.
Dúirt siad: ‘Chaith mé go leor ama sa pháirc ag ligean orm go raibh mé i Lord of the Rings agus ag caint le crainn agus ag déanamh “potions” agus bhí sé sin an-álainn.
‘Bhí mé i scoileanna beaga rince [i Maigh Chromtha, Macroom] agus ansin thosaigh mé ag déanamh (ballet) i gCorcaigh.’
Rinne Bambi staidéar ar dhamhsa ansin i gColáiste Stiofáin Naofa agus chaith dhá bhliain le Cork City Ballet.
‘Bhí grá agam do Chorcaigh agus is breá liom fós Corcaigh. Ach ansin bhog mé go Londain toisc go bhfuair mé páirt-scoláireacht damhsa agus damhsa amharclainne ceoil ag Acadamh Urdang i Londain, agus mar sin bhog mé chuige sin.’
Tar éis do Bambi a bheith ag obair le gníomhaireacht tallainne (talent agency) fuair siad réidh leis ar deireadh thiar mar gheall ‘go raibh siad ag iarraidh go mbeinn ag déanamh bubblegum pop’.
Dúirt Bambi: ‘Ansin thosaigh mé féin ag déanamh mo rud féin agus bhí an t-ádh dearg orm bualadh le daoine a chreid sa tionscadal, a raibh obair agus meas acu cheana féin taobh thiar díobh.
‘Is iontach an rud é sin domsa, an creideamh atá faighte agam i ndaoine a bhfuil meas mór agam orthu.’
Tá Bambi ag déanamh ceoil faoin ainm sin le beagnach trí bliana anuas agus tá a cuid ceoil seinnte go mór ar an BBC.
Bhí níos mó ná 60m sruthanna (streams) ar líne ag an gceol agus tugadh cuireadh (invitation) do Bambi dul go dtí Download Festival an samhradh seo caite.
Anois go bhfuil siad ag seinnt in Éirinn freisin, dúirt Bambi go mothaíonn siad go hálainn mar gheall go bhfuil tóir orthu sa bhaile.
‘Tá rud éigin a chuireann mo chroí chomh te sin faoi mo chuid ealaíne, mo chuid rudaí a fheiceáil sa tír, mar is é seo a d’ardaigh mé. Is é seo mo fhréamhacha, seo an talamh a rugadh mé ann agus is é an chúis a scríobhaim mar a scríobhaim.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
