Tá níos mó ná 11,000 áit saor in aisce nó fóirdheontas (subsidised) ar chúrsaí coláistí seolta ag an Aire Breisoideachais agus Ardoideachais (Minister for Further and Higher Education) Simon Harris.
Tá na cláir i réimsí atá sainaitheanta ag an Rialtas mar réimsí ríthábhachtacha mar cibearshlándáil (cybersecurity), réaltacht fhíorúil (virtual reality), nuálaíocht sláinte (health innovation), lóistíocht (logistics) agus miondíol ar líne (online retail).
Tá cúrsaí san aeráid, inbhuanaitheacht (sustainability) agus fuinneamh, atá lárnach don Chlár don Rialtas, ar fáil saor in aisce freisin.
Tá cláir saor in aisce do dhaoine dífhostaithe, do dhaoine a bhí féinfhostaithe roimhe seo agus dóibh siúd atá ag filleadh ar obair.
I gcás daoine eile, íocann an Rialtas 90% de tháille an chúrsa, agus ní gá do rannpháirtithe ach 10% den táille a íoc.
Dúirt an tAire Harris: ‘Tá sé seo ag cur deiseanna iontacha ar fáil do dhaoine le níos mó scileanna a fháil agus tuilleadh scileanna a fháil i réimsí ganntanas scileanna, ionas gur féidir leo a ngairm bheatha a chosaint amach anseo, agus dul chun cinn a dhéanamh ag obair nó dul ar ais ag obair.
‘Déantar formhór na gclár a sheachadadh go hiomlán ar líne nó i bhformáid chumaisc (blended format), rud a fhágann go bhfuil rochtain iomlán orthu, ag freastal ar riachtanais ár ngeilleagair atá ag forbairt go tapa.’
Dúirt sé go gcabhraíonn an fógra seo linn a chinntiú go bhfuil ár bhfórsa saothair in ann freagairt do na hathruithe gasta i saol na hoibre de bharr digitiú, le cúrsaí a chuimsíonn réimsí ar nós hintleachta saorga (artificial intelligence), cibearshlándáil agus teicneolaíochtaí airgeadais’.
Le haghaidh tuilleadh eolais, féach are www.springboardcourses.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
