Tháinig SSE Airtricity agus Sraith na hÉireann (League of Ireland) le chéile chun tacú le LGBT Ireland agus daoine ag ullmhú do mhí Bród (Pride) i mí an Mheithimh.
Ní rud nua é seo do SSE Airtricity. Tá an Líne Chabhrach Náisiúnta (Helpline) LGBT+ urraithe ag an gcuideachta ó 2022 i leith. Ba é seo an chéad uair a fuair an Líne Chabhrach maoiniú iomlán.
Chun an fhorbairt a cheiliúradh beidh brandála LGBT Ireland ag chluichí na bhFear agus na mBan do chuid SSE Airtricity Premier Division, a imreofar ar an deireadh seachtaine seo, Dé hAoine agus Dé Sathairn, an 19 agus 20 Bealtaine, chun cuimsiú agus éagsúlacht a chur chun cinn.
Cabhróidh sé seo le seirbhísí na líne cabhrach náisiúnta LGBT+ a chur chun cinn ar fud na tíre.
Tá an feachtas seolta ag imreoirí Shraith na hÉireann Roberto Lopes (Shamrock Rovers) agus Keeva Keenan (Shelbourne).
Is seirbhís náisiúnta tacaíochta é LGBT Ireland do dhaoine Leispiacha, Aeracha, Déghnéasacha agus Trasinscneach (Lesbian, Gay, Bisexual, and Transgender) chomh maith lena dteaghlaigh agus lena gcairde.
Soláthraíonn sé tacaíocht agus eolas ar shaincheisteanna a bhaineann le gnéasacht agus féiniúlacht inscne do gach ball den phobal.
In 2022, d’fhógair an líne chabhrach Náisiúnta LGBT+ Éireann a comhpháirtíocht maoinithe le SSE Airtricity.
SCÉAL EILE: Dúshlán láidir ó Leo d’éilimh gur bagairt iad ‘brown men’ agus ‘gay men’
Ba é seo an chéad uair a bhfuil an líne chabhrach maoinithe go hiomlán, rud a ligeann don tseirbhís fanacht saor in aisce i mbliana.
Ligeann an chomhpháirtíocht freisin do LGBT Ireland seirbhísí breise a fhógairt agus tacú le hoiliúint agus oibrithe deonacha.
Mar urraitheoir teidil (title sponsors) tá SSE Airtricity in éineacht le Sraith na hÉireann ag tairiscint (providing) a spásanna urraíochta (sponsorship) reatha agus nua ag na clubanna chun Líne Chabhrach Náisiúnta LGBT+ a chur chun cinn laistigh de na clubanna, agus i measc lucht leanúna agus an phobail.
SCÉAL EILE: Tá Katie Taylor fós ag iarraidh troid i bPáirc an Chrócaigh, a deir Hearn
Beidh sé seo ag cluichí Príomhroinn agus Chéad Roinn na bhFear agus ag cluicí Príomhroinn na mBan ag an deireadh seachtaine.
In iarracht feasacht (awareness) a spreagadh ar na seirbhísí riachtanacha, tá SSE Airtricity, Sraith na hÉireann agus LGBT Ireland ag spreagadh clubanna freisin chun oibriú le chéile chun a gcomhluachanna (shared values) cuimsithe agus éagsúlachta a chur chun cinn.
Bhí SSE Airtricity agus Sraith na hÉireann i mbun go leor tionscadal roimhe seo chun éagsúlacht agus cuimsiú a chur chun cinn agus chun tuiscint a fháil ar an tábhacht a bhaineann le tacú le LGBT Ireland cultúr oscailte cuimsitheach a thógáil.
SCÉAL EILE: Laoch na Dubs Philly McMahon i Mountjoy le Rory’s Stories
Beidh an brandála LGBT Ireland ar siúl ag ceithre cluiche Phríomhroinn na mBan SSE Airtricity Dé hAoine 19 agus Dé Sathairn 20 Bealtaine 2023:
Príomhroinn na bhFear
Dé hAoine 19 Bealtaine – Shelbourne v St Patricks Athletics
Céad Roinn na bhFear
Aoine 19 Bealtaine – Ciarraí v Bray Wanderers
Príomhroinn na mBan
Dé Sathairn 20 Bealtaine – Bohemians v Baile Átha Luain
Dé Sathairn 20 Bealtaine – Sligo Rovers v Shelbourne.
Cuireann LGBT Ireland tacaíocht ríthábhachtach ar fáil dóibh siúd is mó a bhfuil sé de dhíth orthu. Tá an líne chabhrach náisiúnta (national helpline) LGBT+ á reáchtáil trí líonra oibrithe deonacha oilte atá bunaithe i sé líne chabhrach áitiúla ar fud na tíre.
Bunaithe i gCorcaigh, Gaillimh, Maigh Eo, Cill Chainnigh, Dún Dealgan agus Baile Átha Cliath, oibríonn an líne chabhrach 30 uair sa tseachtain, seacht lá na seachtaine. Is féidir leat teagmháil a dhéanamh leis an Líne Chabhrach LGBT trí freephone 1800 929 539.
Le haghaidh tuilleadh eolais tabhair cuairt ar LGBT.ie.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
